Acharya: ‘ఆచార్య’ వేడుక

చిరంజీవి, రామ్‌ చరణ్‌ల ‘ఆచార్య’ హంగామా షురూ అవుతోంది. ఈ నెల 23న హైదరాబాద్‌లో విడుదలకి ముందస్తు  వేడుకని నిర్వహించనున్నట్టు సినీ వర్గాలు ప్రకటించాయి. కొరటాల శివ దర్శకత్వం వహించిన ఈ చిత్రం ఈ నెల 29న ప్రేక్షకుల ముందుకు రానున్న సంగతి తెలిసిందే. ఇందులో చిరంజీవికి జోడీగా కాజల్‌ అగర్వాల్‌‘.. రామ్‌చరణ్‌కి జోడీగా పూజాహెగ్డే నటించారు. మ్యాట్నీ ఎంటర్‌టైన్‌మెంట్స్‌ పతాకంపై నిరంజన్‌రెడ్డి, అన్వేష్‌రెడ్డి సంయుక్తంగా నిర్మిస్తున్నారు. సురేఖ కొణిదెల సమర్పకులు. ఈ నెల 18న ‘భలే భలే బంజారా..’ అంటూ సాగే పాటని కూడా విడుదల చేయనున్నారు. మణిశర్మ స్వరకల్పనలోని ఈ గీతంలో చిరంజీవి, రామ్‌చరణ్‌ కలిసి నృత్యాలతో చేయనున్న సందడి సినిమాకి ఆకర్షణగా నిలుస్తుందని సినీ వర్గాలు తెలిపాయి.