pushpa 2: రామోజీ ఫిల్మ్‌సిటీలో పుష్ప 2 యాక్షన్‌ హంగామా

‘పుష్ప’లో తగ్గేదేలే అంటూ అల్లు అర్జున్‌ చేసిన హంగామా అన్ని వర్గాల ప్రేక్షకుల్ని అలరించింది. ఇప్పుడు ‘పుష్ప 2’లోనూ అంతకుమించి ఉంటుందని చిత్ర వర్గాలు చెబుతున్నాయి. ప్రస్తుతం ఈ సినిమా చిత్రీకరణ రామోజీ ఫిల్మ్‌సిటీలో జరుగుతోంది. సుకుమార్‌ దర్శకత్వం వహిస్తున్న ఈ సినిమాలోని కీలక యాక్షన్‌ ఘట్టాల్ని తెరకెక్కిస్తున్నారు. అల్లు అర్జున్‌, రష్మిక తదితరులపై ఈ సన్నివేశాల చిత్రీకరణ జరుగుతోంది. సుకుమార్‌ రైటింగ్స్‌తో కలిసి మైత్రీ మూవీమేకర్స్‌ ఈ చిత్రాన్ని నిర్మిస్తోంది. ఈ సినిమాని ఆగస్టు 15న విడుదల చేస్తామని గతంలోనే ప్రకటించిన సంగతి తెలిసిందే. ఈ నేపథ్యంలోనే ఈ సినిమా మరో 200 రోజుల్లో రానుందంటూ సోమవారం ప్రత్యేక పోస్టర్‌ను విడుదల చేశారు. దేవిశ్రీప్రసాద్‌ స్వరాలు అందిస్తున్న ఈ చిత్రంలో ఫహాద్‌ ఫాజిల్‌, ధనుంజయ, సునీల్‌, అనసూయ తదితరులు కీలక పాత్రల్లో నటిస్తున్నారు.