రాక్షస కావ్యమిది

నవీన్‌ బేతిగంటి, అన్వేష్‌ మైఖేల్‌, పవన్‌ రమేష్‌, దయానంద్‌ రెడ్డి, కుశాలిని, రోహిణి ప్రధాన పాత్రల్లో నటిస్తున్న చిత్రం ‘రాక్షస కావ్యం’. శ్రీమాన్‌ కీర్తి దర్శకుడు. దాము రెడ్డి, ఉమేష్‌ చిక్కు సంయుక్తంగా నిర్మించారు. ఈ చిత్ర ఫస్ట్‌లుక్‌ను ఇటీవల విడుదల చేశారు. ఈ సందర్భంగా విడుదల చేసిన ప్రచార చిత్రం.. విష్ణు సహస్రనామ స్తోత్రంతో ఆసక్తికరంగా సాగింది. ‘‘ఒక్క మాట యాది ఉంచుకో బిడ్డ.. మనసంటోళ్లు పది మంది చచ్చిపోయినా ఎవ్వరికి ఫరక్‌ పడదు. కానీ, ఒక్కడు సదువుకుంటే మనసంటోళ్లను వందమందిని బతికిస్తడు’’ అంటూ ఆ వీడియోలో వినిపించిన డైలాగ్‌ ఆకట్టుకుంది. 90వ దశకం నేపథ్యంలో సాగే సోషల్‌ యాక్షన్‌ డ్రామాగా ఈ చిత్రాన్ని ముస్తాబు చేస్తున్నారు. ఈ సినిమాకి సంగీతం: రాజీవ్‌ రాజ్‌, శ్రీకాంత్‌, ఛాయాగ్రహణం: రుషి కోనాపురం.