Tollywood: ‘హైవే’లో ఎవరు ఆ కిల్లర్‌?

ఆనంద్‌ దేవరకొండ హీరోగా కె.వి.గుహన్‌ తెరకెక్కించిన చిత్రం ‘హైవే’. మానస కథానాయిక.  అభిషేక్‌ బెనర్జీ కీలక పాత్ర  పోషించారు. ఈ సినిమా త్వరలో ప్రముఖ ఓటీటీ వేదిక ఆహాలో విడుదల కానుంది. ఈ నేపథ్యంలో శనివారం ఈ చిత్ర పోస్టర్‌ను  విడుదల చేశారు. ‘‘ఇదొక సైకలాజికల్‌ థ్రిల్లర్‌. ఆనంద్‌ ఈ చిత్రంలో ఫొటోగ్రాఫర్‌గా కనిపిస్తారు. ఆయన ప్రేయసిగా మానస నటించింది. సాఫీగా సాగిపోతున్న వారి ప్రేమ కథలో.. ఒక సీరియల్‌ కిల్లర్‌ ‘డి’ అనే పేరుతో ప్రవేశిస్తాడు. మరి ఆ తర్వాత ఏం జరిగింది? వారి ప్రేమకథ ఎలాంటి మలుపులు తిరిగింది? అన్నది తెరపై చూసి తెలుసుకోవాలి’’ అని చిత్ర వర్గాలు  తెలిపాయి.