Ram: రామోజీ ఫిల్మ్‌సిటీలో రామ్‌ సినిమా షురూ!

బోయపాటి శ్రీను (Boyapati Srinu), రామ్‌ (Ram) కలయికలో ఓ చిత్రం తెరకెక్కుతున్న సంగతి తెలిసిందే. ‘అఖండ’ లాంటి భారీ విజయం తర్వాత బోయపాటి నుంచి రానున్న ఈ సినిమాపై భారీ అంచనాలున్నాయి. గురువారం నుంచి ఈ సినిమా రెగ్యులర్‌ చిత్రీకరణ రామోజీ ఫిల్మ్‌సిటీలో మొదలైంది. ఈ చిత్రంలో శ్రీలీలను కథానాయికగా ఎంపిక చేసినట్టు దసరా సందర్భంగా చిత్రబృందం ప్రకటించింది. చిత్ర నిర్మాత శ్రీనివాసా చిట్టూరి మాట్లాడుతూ ‘‘రామ్‌ ఎనర్జీకి తగ్గట్టు శక్తిమంతమైన పాత్రను బోయపాటి తీర్చిదిద్దారు. ప్రస్తుతం రామోజీ ఫిల్మ్‌సిటీలో స్టంట్‌ శివ నేతృత్వంలో భారీ యాక్షన్‌ సన్నివేశాలను తెరకెక్కిస్తున్నాం. తెలుగు, తమిళ, కన్నడ, మలయాళ, హిందీ భాషల్లో ఒకేసారి సినిమాను విడుదల చేస్తాం’’అన్నారు. ఈ చిత్రానికి సంగీతం: తమన్‌.