‘సైంధవ్‌’ సరసన శ్రద్ధా శ్రీనాథ్‌?

వెంకటేష్‌ హీరోగా నటిస్తున్న తొలి పాన్‌ ఇండియా చిత్రం ‘సైంధవ్‌’. శైలేష్‌ కొలను తెరకెక్కిస్తున్నారు. వెంకట్‌ బోయనపల్లి నిర్మాత. నవాజుద్దీన్‌ సిద్ధిఖీ కీలక పాత్ర పోషిస్తున్నారు. ఈ సినిమాలో ముగ్గురు కథానాయికలు కనిపించనున్న సంగతి తెలిసిందే. ఇప్పటికే ఓ పాత్ర కోసం రుహానీ శర్మను ఎంపిక చేశారు. ఇప్పుడు మరో పాత్ర కోసం ‘జెర్సీ’ ఫేమ్‌ శ్రద్ధా శ్రీనాథ్‌ను ఖరారు చేసినట్లు సమాచారం. ఈ కథకు ఆమె పాత్రే కీలకంగా ఉండనున్నట్లు తెలిసింది. మూడో నాయిక ఎవరన్నది తేలనుంది. ఈ పాత్ర కోసం ఓ బాలీవుడ్‌ భామను రంగంలోకి దించే ప్రయత్నం చేస్తోంది చిత్ర బృందం. వినూత్నమైన యాక్షన్‌ థ్రిల్లర్‌గా ముస్తాబవుతున్న ఈ చిత్రం ప్రస్తుతం హైదరాబాద్‌లో శరవేగంగా చిత్రీకరణ జరుపుకుంటోంది. ఇందులో భాగంగా వెంకటేష్‌తో పాటు ఇతర ముఖ్య తారాగణంపై కీలక సన్నివేశాలు చిత్రీకరిస్తున్నారు. సంగీతం: సంతోష్‌ నారాయణ్‌, కూర్పు: గ్యారీ బీహెచ్‌.