Suriya: అభిమానుల మృతి.. కుటుంబాలకు అండగా ఉంటానన్న హీరో సూర్య

పల్నాడు: ఇటీవల సూర్య (Suriya) పుటిన రోజు సందర్భంగా.. ఆయన అభిమానులు ఇద్దరు ఫ్లెక్సీలు కడుతూ మరణించిన సంగతి తెలిసిందే. ఈ విషయం తెలుసుకున్న సూర్య.. మృతుల కుటుంబసభ్యులతో మాట్లాడారు. వారికి అండగా ఉంటానని హామీ ఇచ్చారు. 

‘శివ’లో ఆ పాత్ర కోసం మోహన్‌బాబు.. వద్దంటే వద్దన్న వర్మ!

ఆంధ్రప్రదేశ్‌లోని పల్నాడు జిల్లా నర్సరావుపేట మండలానికి చెందిన ఇద్దరు డిగ్రీ విద్యార్థులు హీరో సూర్య ఫ్లెక్సీలు కడుతూ మృతి చెందారు. దీంతో వారి కుటుంబాలను సూర్య వీడియో కాల్‌లో పరామర్శించారు. వాళ్లకు ఎలాంటి సాయం కావాలన్నా చేస్తానని హామీ ఇచ్చారు. మృతుల్లో ఒకరి సోదరి తాను డిగ్రీ చదివానని ఉద్యోగం ఇప్పించాలని కోరగా.. తప్పకుండా ఆమె బాధ్యత తీసుకుంటానని సూర్య తెలిపారు. ఉద్యోగంతో పాటు కుటుంబానికి అన్ని విధాలుగా అండగా ఉంటానని చెప్పి..  వారిలో ధైర్యాన్ని నింపారు.