Keeravani: ఆస్కార్‌ వేదికపై కీరవాణి ప్రదర్శన?

‘ఆర్‌ఆర్‌ఆర్‌’ (RRR)లోని ‘‘నాటు నాటు’’ (Naatu Naatu) పాటతో గోల్డెన్‌ గ్లోబ్‌ అవార్డు దక్కించుకున్న సంగీత దర్శకుడు కీరవాణి (Keeravani).. ఇప్పుడు ఆస్కార్‌(Oscars)ను అందుకునేందుకు మరో అడుగు దూరంలో ఉన్నారు. ఈ గీతం ఒరిజినల్‌ సాంగ్‌ కేటగిరీలో ఆస్కార్‌ నామినేషన్‌ దక్కించుకున్న సంగతి తెలిసిందే. ఈ నేపథ్యంలోనే మార్చి 12న జరగనున్న 95వ ఆస్కార్‌ అవార్డుల వేడుకలో ఈ పాటను ప్రత్యక్షంగా ప్రదర్శించమని కీరవాణితో పాటు గీత రచయిత చంద్రబోస్‌కు ఆస్కార్‌ అకాడమీ ఆహ్వానం పంపిందని సమాచారం. ఇలా ఓ భారతీయ సంగీత దర్శకుడు ఆస్కార్‌ వేదికపై ప్రత్యక్ష ప్రదర్శన ఇవ్వడం ఇదే తొలిసారి కాదు. గతంలో ఏఆర్‌.రెహమాన్‌ ‘స్లమ్‌డాగ్‌ మిలీనియర్‌’లోని ‘‘జయహో’’ గీతాన్ని లైవ్‌లో ప్రదర్శించారు. ఆ పాటతోనే ఆయన ఆస్కార్‌ పురస్కారాన్ని గెలుచుకున్నారు.