MS Raju: టికెట్‌ ధరలు తగ్గిస్తేనే మనుగడ

‘‘పెద్ద సినిమాలకి టికెట్‌ ధరలు పెంచినా సమస్య ఉండదు. వాటిపై ప్రత్యేకమైన ఆసక్తి ఉంటుంది.  చిన్న చిత్రాలకి టికెట్‌ ధర  అందుబాటులో ఉండాల్సిందే. ఈ విషయంపై  ప్రభుత్వంతో చర్చించి పరిశ్రమ ఒక నిర్ణయం తీసుకోవాల’’ని కోరారు ప్రముఖ నిర్మాత ఎం.ఎస్‌.రాజు(MS Raju). ఆయన దర్శకత్వం వహించిన ‘7 డేస్‌ 6 నైట్స్‌’(7 Days 6 Nights) ఇటీవలే ప్రేక్షకుల ముందుకొచ్చింది. ఈ సందర్భంగా హైదరాబాద్‌లో ఏర్పాటు చేసిన ఓ కార్యక్రమంలో ఎం.ఎస్‌.రాజు మాట్లాడారు. ‘‘అప్పట్లో టికెట్‌ ధరలు అందుబాటులో ఉండటంతో పరిమిత వ్యయంతో సినిమాలు తీశాం. ఇప్పుడు ‘హ్యాపీడేస్‌’లాంటివి వచ్చినా ఎలా అని ఆలోచించాల్సిన పరిస్థితి. థియేటర్లలో పెద్ద సినిమాలే విడుదల చేయాలేమో అన్నట్టుగా మారింది వ్యవస్థ. ఇది ప్రమాదం’’ అన్నారు.