virataParvam: ‘నగాదారి’లో అంటూ వచ్చేసిన రానా,సాయిపల్లవి..

ఇంటర్నెట్‌ డెస్క్‌: రానా, సాయి పల్లవి జంటగా నటించిన చిత్రం ‘విరాటపర్వం’. వేణు ఊడుగుల దర్శకత్వం వహించిన ఈ సినిమాకు సుధాకర్‌ చెరుకూరి నిర్మాత. ఈ సినిమా జూన్‌17న ప్రేక్షకుల ముందుకు రానుంది. 1990ల్లో జరిగిన యదార్థ సంఘటన ఆధారంగా ఈ సినిమాను తెరకెక్కించారు.  నక్సలిజం నేపథ్యంలో సాగే ఓ అద్భుతమైన ప్రేమకథగా ఈ సినిమా ప్రేక్షకులను అలరించనుంది. ఈ చిత్రంలోని ‘నగాదారిలో’ అనే పాటను చిత్రబృందం నేడు విడుదల చేసింది. ‘నిప్పు ఉంది.. నీరు ఉంది..’ అంటూ సాగే లిరిక్స్‌ అందర్ని ఆకట్టుకొన్నాయి. కామ్రేడ్‌ రవన్న పాత్రలో రానా కనిపించనున్నారు. ఈ చిత్రంలో ఆయన ప్రేయసి వెన్నెలగా సాయిపల్లవి నటిస్తోంది. ప్రియమణి, నందితా దాస్‌,నవీన్‌ చంద్ర, జరీనా వహాబ్‌ తదితరులు కీలక పాత్రలు పోషించారు. ఈ చిత్రానికి సురేశ్‌ బొబ్బిలి స్వరాలందించారు.