Rajamouli: అంతకుమించి...

అగ్ర దర్శకుడు రాజమౌళి (Rajamouli) సినిమా అంటే అంచనాలు ఆకాశాన్ని తాకుతుంటాయి. తన పనితీరుతో వాటిని అంతకంతకూ పెంచేస్తుంటారాయన. ‘ఆర్‌ఆర్‌ఆర్‌’కు (RRR) ప్రపంచవ్యాప్తంగా ప్రేక్షకులు బ్రహ్మరథం పడుతున్నారు. ఓటీటీలో వచ్చాక ఆ సినిమా మరింత మంది ప్రేక్షకులకు చేరువైంది. ఇటీవల అమెరికాలో ప్రత్యేకంగా ప్రదర్శించారు. ఆ సందర్భంగా వచ్చిన స్పందనని ఆస్వాదిస్తూనే, తదుపరి  మహేష్‌ బాబుతో తీయబోయే సినిమా గురించి రాజమౌళి  మాట్లాడారు. తన కెరీర్‌లో ఇప్పటిదాకా తీసిన సినిమాల్లో అతి పెద్ద చిత్రంగా అది ఉండబోతోందని, యాక్షన్‌ ప్రధానంగా తెరకెక్కనుందని తెలిపారు. ‘బాహుబలి’, ఆ తర్వాత ‘ఆర్‌ఆర్‌ఆర్‌’.... ఇలా ఆయా సందర్భాల్లో అత్యధిక వ్యయంతో రూపొందిన సినిమాలివి. తదుపరి సినిమా మరింత భారీ స్థాయిలో ఉంటుందని రాజమౌళి చెప్పడంతో అంచనాలు మరింతగా పెరుగుతున్నాయి.