Tabu: అప్పుడు కష్టపడ్డా... ఇప్పుడు ఆనందిస్తున్నా

ఉత్తరాదితో పాటు దక్షిణాది ప్రేక్షకులకు బాగా పరిచయమున్న నటి టబు (Tabu). నాలుగు దశాబ్దాలుగా నటిగా కొనసాగుతూ ఎన్నో విజయాలు అందుకున్నారామె. ఈ ఏడాది కూడా ఆమెకు బాగా కలిసొచ్చింది. ‘భూల్‌ భులయ్యా 2’తో (Bhool Bhulaiyaa 2) హిట్‌ కొట్టిన ఈ నాయిక ఇటీవలే విడుదలైన దృశ్యం 2 తో (Drishyam 2) మరో విజయాన్ని ఖాతాలో వేసుకొంది. ఈ విజయాల వెనుక ఎంతో కష్టం ఉందని చెబుతున్నారామె. ‘‘గత సంవత్సరన్నరగా ఒకేసారి నాలుగైదు సినిమాలకు పనిచేశాను. కష్టంగానూ, ఛాలెంజింగ్‌గానూ అనిపించింది. కొవిడ్‌ సమయంలో మరిన్ని ఇబ్బందులొచ్చాయి. అయినా సరే లెక్కచేయలేదు. నా పనిని ఎంజాయ్‌ చేశాను. ఇప్పుడు విజయాల్ని ఆస్వాదిస్తున్నాను’’అని చెప్పారు టబు.