పెళ్లి కూతురు రెడీ.. రకుల్‌ తలకిందులు 

సోషల్‌ లుక్‌: తారలు పంచుకున్న విశేషాలు

* మరికొన్ని నిమిషాల్లో చైతన్య మెగా వారసురాలు నిహారిక మెడలో మూడు ముళ్లు వేయబోతున్నారు. ఇప్పటికే నిహారిక ఎరుపు రంగు చీరలో పెళ్లి కుమార్తెగా ముస్తాబయ్యారు. మరోపక్క బుధవారం ఉదయం జరిగిన హల్దీ వేడుక ఫొటోలు సోషల్‌ మీడియాలో చక్కర్లు కొడుతున్నాయి.

* కథానాయిక రకుల్‌ప్రీత్‌ సింగ్‌ చాలా రోజుల తర్వాత యోగా తరగతులకు హాజరయ్యారట. ఈ విషయాన్ని తెలుపుతూ ఆమె వీడియో షేర్‌ చేశారు. తాడు సాయంతో తలకిందులుగా మారి కనిపించారు. రకుల్‌ ఇటీవల వియారయాత్ర నిమిత్తం మాల్దీవులకు వెళ్లారు. అక్కడ దాదాపు వారం రోజులు గడిపి, ఇటీవల భారత్‌ చేరుకున్నారు.

* బాలీవుడ్‌ స్టార్‌ సల్మాన్‌ ఖాన్‌ మరోసారి తన కండలు చూపించి ఫిట్‌నెస్‌ పరంగా స్ఫూర్తి నింపారు. చొక్కా లేకుండా ఆయన షేర్‌ చేసిన ఫొటో వైరల్‌గా మారింది. 

* ‘జీవితంలో అమూల్యమైన విషయం ఒకటే. కుటుంబ సభ్యులతో వీలైనంత సమయం గడపడం’ అంటున్నారు మంచు లక్ష్మి. తన తండ్రి మోహన్‌బాబుతో కలిసి తీసుకున్న ఫొటోలు షేర్‌ చేశారు.

ఇదీ చదవండి..
పవన్‌ వచ్చేశాడు.. పూల్‌ పార్టీలో నిహారిక