RGV: ‘కొండా’చిత్రానికి శ్రీకారం

అదిత్‌ అరుణ్‌, ఇర్రా మోర్‌ ప్రధాన పాత్రల్లో దర్శకుడు రామ్‌గోపాల్‌ వర్మ తెరకెక్కిస్తున్న చిత్రం ‘కొండా’. వరంగల్‌లోని కొండా మురళి, కొండా సురేఖ దంపతుల జీవితకథ ఆధారంగా రూపొందుతోంది. మల్లా రెడ్డి, నవీన్‌ రెడ్డి సంయుక్తంగా నిర్మిస్తున్నారు. ఈ సినిమా మంగళవారం వరంగల్‌లోని వంచనగిరిలో పూజా కార్యక్రమాలతో లాంఛనంగా ప్రారంభమైంది. ఈ సందర్భంగా రామ్‌గోపాల్‌ వర్మ మాట్లాడుతూ.. ‘‘కొండా మురళి చరిత్ర నాకు చాలా నచ్చింది’’ అన్నారు. ‘‘ఆర్జీవీ మమ్మల్ని గుర్తించి.. ముందుకొచ్చి ఈ సినిమా చేస్తానని ధైర్యంగా చెబుతున్నారు. చాలా  సంతోషంగా ఉంద’’న్నారు కొండా సురేఖ.