Venkatesh: చిరంజీవితో మల్టీస్టారర్‌ మొదలయ్యేది ఎప్పుడు?: విలేకరి ప్రశ్నకు వెంకటేశ్‌ ఏమన్నారంటే..?

ఇంటర్నెట్‌డెస్క్‌: వెంకటేశ్‌ (Venkatesh) నటించిన 75వ చిత్రం ‘సైంధవ్‌’ (Saindhav). శైలేశ్ కొలను దర్శకుడు. తండ్రీ కుమార్తెల సెంటిమెంట్‌తో దీనిని తీర్చిదిద్దారు. శ్రద్ధా శ్రీనాథ్‌ కథానాయిక. బుధవారం ఈ సినిమా ట్రైలర్‌ విడుదల కార్యక్రమం హైదరాబాద్‌లో వేడుకగా జరిగింది. ఇందులో పాల్గొన్న చిత్రబృందం పలు ఆసక్తికర విశేషాలను పంచుకుంది.

‘‘అభిమానుల సమక్షంలో ‘సైంధవ్‌’ ట్రైలర్‌ విడుదల చేయడం సంతోషంగా ఉంది. ఈ సినిమా తప్పకుండా ప్రేక్షకులకు నచ్చుతుంది. సంక్రాంతి రోజున విడుదల చేస్తున్నాం. ఎప్పటిలాగే మీ ఆదరణ ఉంటుందని ఆశిస్తున్నా. ఇలాంటి కథలో నటించడం ఆనందంగా ఉంది. ఇందులో నటించే ఛాన్స్‌ వచ్చినందుకు అదృష్టంగా భావిస్తున్నా. ఈ చిత్రం తప్పకుండా విభిన్నమైన అనుభూతిని అందిస్తుంది. ఎవరిని నిరాశకు గురి చేయదు’’ అని వెంకటేశ్‌ అన్నారు.

Guntur Kaaram: గుంటూరు కారం.. చివరి 45 నిమిషాలు అదిరిపోతుంది: నాగవంశీ

సెంటిమెంట్‌ + యాక్షన్‌ కలిసి ఉన్న ‘సైంధవ్‌’లో యాక్ట్‌ చేయడం ఎలా అనిపించింది?

వెంకటేశ్‌: ఇదొక పవర్‌ఫుల్‌ స్క్రిప్ట్‌. ప్రేక్షకుల మనసుని హత్తుకునే ఎమోషనల్‌ సీన్స్‌ ఇందులో మెండుగా ఉన్నాయి. అందరూ తప్పకుండా కర్చీఫ్‌లు సిద్ధం చేసుకోండి. అందులో ఎలాంటి సందేహం లేదు. అలాగే, ఈ సినిమాలో యాక్షన్‌ సీన్స్‌ కూడా కొత్తగా ఉంటాయి. ఎక్కడా బోర్‌ కొట్టవు.

మీ తనయుడు అర్జున్‌ సినీ ఎంట్రీ ఎప్పుడు?

వెంకటేశ్‌: అర్జున్‌ చదువుకుంటున్నాడు. అందరూ ముందు చదువుకోవాలి. సంతోషంగా ఉండాలి. తర్వాత సంగతి తర్వాత చూసుకుందాం.

ఈ ఏడాది సంక్రాంతి పోటీ ఎలా ఉండనుంది? 

వెంకట్‌: మా సినిమా రిలీజ్‌ను వాయిదా వేయడం లేదు. అనుకున్న తేదీకి ప్రేక్షకులకు వినోదం అందించడానికి సిద్ధమయ్యాం.

ఈ కథ రియాలిటీకి దగ్గరగా ఉంటుందా?

శైలేశ్‌: spinal muscular atrophy అనేది దేశంలో ఒక పెద్ద సమస్యగా మారింది. అవయవాలు పాడైపోయి ఎంతోమంది పిల్లలు మృతి చెందుతున్నారు. చిన్న వయసులోనే జీన్‌ ట్రీట్‌మెంట్‌ చేస్తే బతికే అవకాశం ఉంటుంది. ఈ ట్రీట్‌మెంట్‌కు సంబంధించిన ఇంజెక్షన్‌ ధర దాదాపు రూ.17 కోట్లు. కొవిడ్‌ సమయంలో ఓ వ్యక్తి వల్ల దీని గురించి నేను తెలుసుకున్నా. ఎంతో రీసెర్చ్‌ చేసి ‘సైంధవ్‌’ చిత్రాన్ని తెరకెక్కించా.

పిల్లలను ఇబ్బందిపెట్టే సన్నివేశాలు ఉంటాయా?

వెంకటేశ్‌: లేదు. సినిమాకు ఎంత వరకూ యాక్షన్‌ సీన్స్‌ అవసరమో అంత వరకూ చూపించాం.

త్రివిక్రమ్‌తో సినిమా మళ్లీ ఎప్పుడు ఉంటుంది?

వెంకటేశ్‌: ఆయనకు ఫోన్‌ చేయండి. అందరూ అదే విషయం అడుగుతున్నారు.

చిరంజీవితో మల్టీ స్టారర్‌ ఎప్పుడు మొదలవుతుంది

వెంకటేశ్‌: మంచి కథలు వస్తే తప్పకుండా కలిసి వర్క్‌ చేస్తాం.

12న మహేశ్‌బాబు సినిమా.. 13న మీ చిత్రం విడుదలవుతోంది కదా. మీ ఫీలింగ్‌ ఏమిటి? 

వెంకటేశ్‌: సూపర్‌ ఫీలింగ్‌. ప్రేక్షకులు మా సినిమాలు చూడటానికి ఆసక్తిగా ఉన్నారు. నా బ్రదర్‌కు ఆల్‌ ది బెస్ట్‌.

థియేటర్స్‌ విషయంలోనూ చర్చ జరుగుతుంది. గుంటూరు కారం చిత్రానికి ఎక్కువ థియేటర్స్‌ ఇస్తున్నారని టాక్‌?

వెంకటేశ్‌: అందుకు నేను ఏమీ ఫీల్‌ కాను. మాకు వచ్చిన థియేటర్స్‌ తీసుకుంటాం. అందరూ బాగుండాలి.