Raghurama krishna raju: ఎన్నికల బరిలో రఘురామ కృష్ణరాజు?.. ఎన్డీయే కూటమి నేతల మధ్య చర్చ

అమరావతి: నరసాపురం ఎంపీ రఘురామకృష్ణరాజుని ఎన్నికల బరిలో దింపేందుకు ఎన్డీయే కూటమిలో చర్చ జరుగుతున్నట్టు సమాచారం. త్వరలో కూటమి ఈమేరకు నిర్ణయం తీసుకోనున్నట్టు తెలుస్తోంది. రఘురామ ఎన్నికల బరిలో ఉండటం ఖాయమని కూటమి నేతలు స్పష్టం చేస్తున్నారు. ఆయనకు సీటు ఇవ్వడంపై మూడు పార్టీలు చర్చిస్తున్నాయి.

అయితే, అసెంబ్లీ అభ్యర్థిగానా? లేక ఎంపీ అభ్యర్థిగా ఎన్నికల బరిలో దిగుతారా? అనే సందిగ్ధత కొనసాగుతోంది. ఇప్పటికే మూడు పార్టీలు అభ్యర్థులను ప్రకటించినందున.. వాటిలోనే సీటు సర్దుబాటు చేసే అవకాశం ఉన్నట్టు తెలుస్తోంది. తన నివాసంలో గురువారం రఘురామ మీడియాతో మాట్లాడుతూ.. ఎన్నికల్లో తాను పోటీ చేయడం ఖాయమని, త్వరలోనే దీనిపై స్పష్టత వస్తుందని చెప్పారు. సీఎం జగన్‌పై ఒంటరి పోరాటం చేస్తోన్న రఘురామకు ఎన్డీయే కూటమి.. నరసాపురం టికెట్‌ ఇవ్వాల్సిందేనని ఆయన అభిమానులు కోరుతున్నారు.