వివేకా హత్య కేసులో త్వరలో మరికొందరికి నోటీసులు

వైకాపా ఎంపీ రఘురామకృష్ణరాజు

ఈనాడు, దిల్లీ: వివేకా హత్య కేసులో త్వరలో మరికొందరికి సీబీఐ అధికారులు నోటీసులు జారీ చేసి విచారణకు పిలిచే అవకాశం ఉంది. అరెస్టులు కూడా జరగవచ్చు...’ అని వైకాపా ఎంపీ రఘురామకృష్ణరాజు పేర్కొన్నారు. దిల్లీలో మంగళవారం ఆయన విలేకరులతో మాట్లాడారు. రాజధానిలో కాకుండా ఇతర ప్రాంతాల్లో ఏ ముఖ్యమంత్రి నివాసాన్ని ఏర్పాటు చేసుకున్న దాఖలాలు లేవన్నారు.  2025 వరకు కూడా పోలవరం పూర్తయ్యేలా కనిపించడం లేదన్నారు. అమరావతి, పోలవరాన్ని భ్రష్టు పట్టించిన రాష్ట్ర ప్రభుత్వానికి ప్రజలు తగిన రీతిలో బుద్ధి చెప్పాలని ఆయన కోరారు. గత ప్రభుత్వ హయాంలో పోలవరం ప్రాజెక్టు పనులు 77 శాతం పూర్తి కాగా... గత నాలుగేళ్లలో ఒకటి, ఒకటిన్నర శాతం పనులు కూడా పూర్తి కాలేదన్నారు. ఈ ప్రాజెక్టును బ్యారేజి లాగా మార్చే ప్రయత్నం చేశారని రఘురామ ఆరోపించారు.