చంద్రబాబు అక్రమ అరెస్టుపై గట్టి పోరాటం చేశారు

ఎంపీలకు లోకేశ్‌ అభినందనలు

ఈనాడు, దిల్లీ: తెదేపా అధినేత, మాజీ ముఖ్యమంత్రి చంద్రబాబు అక్రమ అరెస్టును పార్లమెంటులో లేవనెత్తి దేశం దృష్టికి తీసుకెళ్లారంటూ తెదేపా ఎంపీలను ఆ పార్టీ ప్రధాన కార్యదర్శి లోకేశ్‌ అభినందించారు. దిల్లీలో తెదేపా ఎంపీలతో శుక్రవారం ఆయన సమావేశమయ్యారు. వైకాపా ఎంపీల హేళనలు, మాటల దాడులను తట్టుకుని తెదేపా వాణిని సమర్థంగా పార్లమెంటులో వినిపించారని కొనియాడారు. ఈ అంశంలో న్యాయపరంగా తీసుకోవాల్సిన చర్యలు, ఇతర అంశాలపై ఎంపీలతో ఆయన చర్చించారు. సమావేశంలో ఎంపీలు గల్లా జయదేవ్‌, రామ్మోహన్‌నాయుడు, కేశినేని నాని, కనకమేడల రవీంద్రకుమార్‌ పాల్గొన్నారు.

• చంద్రబాబు అక్రమ అరెస్టు విషయంలో కేంద్రం జోక్యం చేసుకోవాలని కేంద్ర న్యాయశాఖ మంత్రి అర్జున్‌రామ్‌ మేఘ్వాల్‌ను ఎన్టీఆర్‌ శత జయంతి ఉత్సవాల సంచాలకుడు అట్లూరి నారాయణరావు కోరారు. కేంద్ర మంత్రిని శుక్రవారం ఆయన కలిసి విన్నపమిచ్చారు.