Nellore: సార్‌.. ఈ చీరలు మీరిచ్చినవే!

న్యూస్‌టుడే, కావలి: ఇటీవల వైకాపా ఎమ్మెల్యేలు, నాయకులు.. వాలంటీర్లు, విలేకర్లు మొదలు ప్రజలకూ వస్త్రాలు పంపిణీ చేస్తున్నారు. ఈ క్రమంలోనే శ్రీ పొట్టి శ్రీరాములు నెల్లూరు జిల్లా కావలి నియోజకవర్గం పరిధిలోని వాలంటీర్లకూ కావలి ఎమ్మెల్యే రామిరెడ్డి ప్రతాప్‌కుమార్‌రెడ్డి, ఆయన అనుచరులు చీరలు ఇచ్చారు. బుధవారం పట్టణంలోని వైకుంఠపురం, పుల్లారెడ్డినగర్‌లో ఆరోగ్య కేంద్రాలను ప్రారంభించేందుకు ఎమ్మెల్యే వచ్చారు. ఈ కార్యక్రమంలో స్థానిక వాలంటీర్లు ఆ చీరలను ధరించి పాల్గొన్నారు. ఎన్నికల్లో వైకాపా గెలుపునకు పనిచేస్తామని ప్రకటించారు.