పార్టీ వ్యతిరేక కార్యకలాపాలకు పాల్పడితే చర్యలు

జనసేన ప్రధాన కార్యదర్శి నాగబాబు

ఈనాడు, అమరావతి: జనసేన పార్టీ అభ్యర్థుల ఎంపికలో అధినేత పవన్‌కల్యాణ్‌దే అంతిమ నిర్ణయమని ఆ పార్టీ ప్రధాన కార్యదర్శి నాగబాబు స్పష్టం చేశారు. ప్రజాస్వామ్య పద్ధతిలో పార్టీ ప్రధాన కార్యవర్గంతో చర్చించిన తర్వాతే ఆయన ఒక నిర్ణయానికి వస్తారని పేర్కొన్నారు. పార్టీ నిర్ణయాలను ఉల్లంఘిస్తే క్రమశిక్షణ చర్యలు తీసుకుంటామని మంగళవారం రాత్రి ఒక ప్రకటనలో పేర్కొన్నారు. ‘‘ఒకసారి నిర్ణయం తీసుకున్న తర్వాత అందుకు విరుద్ధంగా బహిరంగ వేదికలు, మీడియా, సామాజిక మాధ్యమాల్లో మాట్లాడితే అది పార్టీ వ్యతిరేక చర్యగా పరిగణిస్తాం. ఇలాంటి విషయాలపై పార్టీ క్రమశిక్షణా విభాగం బాధ్యులతో చర్చించి నిర్ణయం తీసుకుంటాం’’ అని నాగబాబు వెల్లడించారు.