Janasena: పాలకొండ అభ్యర్థిని ప్రకటించిన జనసేన

అమరావతి: ఎట్టకేలకు పార్వతీపురం మన్యం జిల్లా పాలకొండ నియోజకవర్గం అభ్యర్థిని జనసేన పార్టీ ప్రకటించింది. ఎస్టీ రిజర్వుడు స్థానమైన పాలకొండ బరిలో నిమ్మక జయకృష్ణను నిలపనున్నట్టు జనసేన అధినేత పవన్‌ కల్యాణ్‌ తెలిపారు. నియోజకవర్గం నుంచి ఆశావహులు ఎక్కువ మంది ఉండటంతో పలు దఫాలుగా సమీక్షలు, సర్వేలు నిర్వహించామని పార్టీ వర్గాలు తెలిపాయి. సర్వేల్లో అత్యధిక మంది మద్దతు తెలపడంతో జయకృష్ణను అధినేత ఎంపిక చేసినట్టు వెల్లడించాయి. తెదేపా, భాజపాతో పొత్తులో భాగంగా జనసేనకు 21 అసెంబ్లీ, రెండు ఎంపీ స్థానాలు కేటాయించిన విషయం తెలిసిందే.