KTR: ఎల్‌ఆర్‌ఎస్‌ రద్దు చేస్తామన్న హామీ ఏమైంది?: కేటీఆర్‌

హైదరాబాద్‌: ఎల్‌ఆర్‌ఎస్‌ను రద్దు చేస్తామన్న కాంగ్రెస్‌ హమీ ఏమైందని భారాస కార్యనిర్వాహక అధ్యక్షుడు కేటీఆర్‌ ప్రశ్నించారు. రద్దు చేస్తామని భట్టి విక్రమార్క గతంలో చెప్పారన్నారు. నో ఎల్‌ఆర్‌ఎస్‌.. నో టీఆర్‌ఎస్‌ అన్నారని గుర్తు చేశారు. భారాస హయాంలో ఎల్‌ఆర్‌ఎస్‌ ఫీజులు కట్టమంటే రక్తమాంసాలు పీలుస్తున్నామని విమర్శించారన్నారు. ఎల్‌ఆర్‌ఎస్‌ ఫీజుల రూపంలో కాంగ్రెస్‌ ప్రభుత్వం డబ్బు వసూలు చేస్తోందని ఆరోపించారు. దీని ద్వారా ప్రజల నుంచి రూ.20 వేల కోట్లు రాబట్టాలని చూస్తోందన్నారు. గతంలో భట్టి చెప్పినవి ఒట్టి మాటలని అర్థమైందని కేటీఆర్‌ ఎద్దేవా చేశారు.