KTR: మళ్లీ మోదీని అర్థం చేసుకోలేదని యువతను నిందిస్తారా?: కేటీఆర్‌ ఎద్దేవా

హైదరాబాద్: ‘అగ్నిపథ్‌’కు వ్యతిరేకంగా దేశవ్యాప్తంగా ఆందోళనలు జరుగుతున్నప్పటికీ ఈ పథకం విషయంలో వెనక్కి తగ్గేది లేదని రక్షణశాఖ తేల్చి చెప్పిన విషయం తెలిసిందే. ఈ విషయంలో భాజపా నేతలు చేస్తున్న వ్యాఖ్యలపై తెలంగాణ మంత్రి కేటీఆర్‌ స్పందించారు. 

‘‘అగ్నిపథ్‌ పథకం కింద యువత డ్రైవర్లుగా, ఎలక్ట్రీషియన్లుగా, బార్బర్లుగా, వాషర్‌మెన్లుగా ఉపాధి పొందొచ్చని కేంద్ర కేబినెట్‌ మంత్రి చెబుతున్నారు. మరో భాజపా నాయకుడైతే సెక్యూరిటీ గార్డుల నియామకంలో అగ్నివీరులకే తొలి ప్రాధాన్యమంటున్నారు! మళ్లీ మోదీని అర్థం చేసుకోలేదని యువతను మీరు నిందిస్తారా?’’ అని కేటీఆర్‌ ఎద్దేవా చేశారు. ఈ మేరకు ఆయన  ట్వీట్‌ చేశారు.