Nara Lokesh: ఆడబిడ్డలకు రక్షణంటే నిందితులను కాపాడటమేనా?: నారా లోకేశ్‌

అమరావతి: ఆడబిడ్డలకు అన్యాయం జరిగితే గన్‌ కంటే ముందొస్తానని రూ.కోట్లతో ప్రచారం చేయించుకున్న సీఎం జగన్‌.. ఆయన సొంత జిల్లా ప్రొద్దుటూరులో దళిత బాలికపై అత్యాచారం జరిగితే ఎక్కడా? అని తెదేపా జాతీయ ప్రధాన కార్యదర్శి నారా లోకేశ్‌ ప్రశ్నించారు. ఏదా గన్‌? ఎక్కడా జగన్‌? అని నిలదీశారు.

అమాయక బాలికపై లైంగిక దాడిని మహిళా పోలీసులు వెలుగులోకి తెస్తే నిందితులను పట్టించుకోకుండా కేసు మాఫీ చేయాలని ఎందుకు ప్రయత్నిస్తున్నారని ఆయన మండిపడ్డారు. ప‌దిహేనేళ్లు కూడా నిండ‌ని బాలికను గ‌ర్భవ‌తిని చేసిన నిందితుల‌ను కాపాడటమేనా.. మీరు ఆడబిడ్డలకు కల్పించే రక్షణ? అని లోకేశ్‌ ట్వీట్‌లో ప్రశ్నించారు.