Andhra Pradesh : సమస్యల నుంచిదృష్టి మళ్లించేందుకే కొత్త జిల్లాల డ్రామా: చంద్రబాబు

అమరావతి: ఆంధ్రప్రదేశ్‌ రాష్ట్ర ప్రభుత్వ అస్తవ్యస్త విధానాలపై కేంద్రం దృష్టి పెట్టాలని తెదేపా అధినేత చంద్రబాబు నాయుడు వ్యాఖ్యానించారు. చంద్రబాబు పార్టీ ఎంపీలతో వర్చువల్‌ సమావేశం నిర్వహించారు. ఈ సందర్భంగా ఆయన మాట్లాడుతూ.. ఆర్థిక ఉల్లంఘనలతో రాష్ట్రం అంధకారంలోకి వెళ్తోందన్నారు. 28 మంది వైకాపా ఎంపీలు రాష్ట్రానికి ఏం తెచ్చారు? అని ప్రశ్నించారు. పాలన అంటే అప్పు చేయడం, దోచుకోవడం అన్నట్లుగా మారిందని విమర్శించారు. సమస్యల నుంచి దృష్టి మళ్లించేందుకు కొత్త జిల్లాల డ్రామాను ప్రభుత్వం తెరపైకి తీసుకొచ్చిందని ఆరోపించారు. సీఎం జగన్‌ దిల్లీ పర్యటన ఎవరి కోసం? అని చంద్రబాబు ప్రశ్నించారు.