Nomula Bhagath: ఎమ్మెల్యేగా నోముల భగత్‌ ప్రమాణస్వీకారం

హైదరాబాద్‌: నాగార్జునసాగర్‌ ఉప ఎన్నికలో విజయం సాధించిన నోముల భగత్‌ ఎమ్మెల్యేగా ప్రమాణస్వీకారం చేశారు. అసెంబ్లీలోని శాసనసభాపతి కార్యాలయంలో స్పీకర్‌ పోచారం శ్రీనివాస్‌రెడ్డి భగత్‌తో ప్రమాణం చేయించారు. ఈ కార్యక్రమానికి మంత్రులు జగదీశ్‌రెడ్డి, ప్రశాంత్‌రెడ్డి, మహమూద్‌ అలీ, తలసాని శ్రీనివాస్‌ యాదవ్‌తో పాటు భగత్‌ కుటుంబసభ్యులు హాజరయ్యారు. గత శాసనసభ ఎన్నికల్లో గెలుపొందిన నోముల నర్సింహయ్య మరణంతో నాగార్జునసాగర్‌లో ఉప ఎన్నిక జరిగిన విషయం తెలిసిందే. తెరాస అభ్యర్థిగా బరిలోకి దిగిన నోముల తనయుడు భగత్‌.. కాంగ్రెస్‌ సీనియర్‌ నేత జానారెడ్డిపై 18వేల ఓట్లకు పైగా ఆధిక్యంతో గెలుపొందారు.