Amaravati news: రహస్య జీవోలపై గవర్నర్‌కు ఫిర్యాదు చేసిన తెదేపా 

విజయవాడ: జీవోల ఆఫ్‌ లైన్‌ వ్యవహారంపై తెలుగుదేశం పార్టీ గవర్నర్‌కు ఫిర్యాదు చేసింది. వెంటనే జోక్యం చేసుకుని జీవోలను పబ్లిక్‌ డొమైన్‌లో పెట్టాలని కోరారు. గవర్నర్‌తో భేటీ అనంతరం తెదేపా నేత వర్లరామయ్య మీడియాతో మాట్లాడుతూ... రాత్రిపూట రహస్య జీవోలు విడుదల చేస్తున్నారని, వారం రోజుల్లో ప్రభుత్వం ఆదేశాలను వెనక్కితీసుకోని పక్షంలో న్యాయస్థానాలను ఆశ్రయిస్తామని స్పష్టం చేశారు. ప్రభుత్వం బ్లాంక్‌ జీవోలు ఇచ్చేందుకు వీలు లేదన్నారు. బ్లాంక్‌ జీవోలపై ఫిర్యాదు చేయగానే ఆన్‌లైన్‌లో జీవోలు తీసేశారని మాజీ ఎమ్మెల్యే బొండా ఉమామహేశ్వరరావు ఆరోపించారు.  ప్రజలకు వాస్తవాలు చెప్పేందుకు ప్రభుత్వం భయపడుతోందని విమర్శించారు.