KL Rahul: బీసీసీఐ గ్రేడ్స్‌లో రాహుల్‌ కిందికి

ముంబయి: కొంతకాలంగా ఫామ్‌ కోసం తంటాలు పడుతున్న భారత స్టార్‌ ఓపెనర్‌ కేఎల్‌ రాహుల్‌.. బీసీసీఐ సెంట్రల్‌ కాంట్రాక్ట్స్‌ గ్రేడ్స్‌లోనూ పడిపోయాడు. తాజాగా ప్రకటించిన వార్షిక జాబితాలో అతడు ఎ నుంచి బికి వచ్చాడు. ఆల్‌రౌండర్‌ రవీంద్ర జడేజా ఏ నుంచి ఏ ప్లస్‌కు ఉన్నతి పొందగా.. కోహ్లి, రోహిత్‌, బుమ్రా ఏ ప్లస్‌లో స్థానాన్ని నిలబెట్టుకున్నారు. అశ్విన్‌, రిషబ్‌ పంత్‌, షమి ఏలోనే కొనసాగుతున్నారు. హార్దిక్‌ పాండ్య, అక్షర్‌ పటేల్‌ కొత్తగా ఏ కేటగిరిలోకి వచ్చారు. ఇంతకుముందు హార్దిక్‌ సిలో, అక్షర్‌ బిలో ఉన్నారు. రాహుల్‌తో పాటు పుజారా, శ్రేయస్‌, సిరాజ్‌, సూర్యకుమార్‌, శుభ్‌మన్‌ గిల్‌ బిలో ఉన్నారు. ఉమేశ్‌, శిఖర్‌, శార్దూల్‌, ఇషాన్‌, హుడా, చాహల్‌, కుల్‌దీప్‌, సుందర్‌, శాంసన్‌, అర్ష్‌దీప్‌, భరత్‌ సిలో ఉన్నారు. రహానె, ఇషాంత్‌, భువనేశ్వర్‌, విహారి, సాహా, మయాంక్‌, దీపక్‌ చాహర్‌ కాంట్రాక్ట్స్‌ జాబితాలో చోటు కోల్పోయారు. ఏడాదికి ఏ ప్లస్‌కు రూ.7 కోట్లు, ‘ఎ’కి రూ.5 కోట్లు, ‘బి’కి రూ.3 కోట్లు, ‘సి’కి రూ.కోటి లభిస్తాయి.