అర్జున్‌కు తొలి విజయం

వార్సా: సూపర్‌బెట్‌ చెస్‌ టోర్నమెంట్లో ర్యాపిడ్‌లో తెలుగుతేజం ఇరిగేశి అర్జున్‌ తొలి విజయాన్ని అందుకున్నాడు. గురువారం ఆరో రౌండ్లో  షెవ్‌చెంకో (రొమేనియా)ను అర్జున్‌ ఓడించాడు. అంతకుముందు కార్ల్‌సన్‌, వియ్‌యీ (చైనా)లతో గేమ్‌లను అర్జున్‌ డ్రా చేసుకున్నాడు. తొలి రోజు మూడు రౌండ్లలో ఒకే ఒక్క విజయాన్ని అందుకున్న దొమ్మరాజు గుకేశ్‌.. రెండో రోజు నాలుగో రౌండ్లో సహచర ఆటగాడు ప్రజ్ఞానందను ఓడించాడు. తర్వాత విన్సెంట్‌ కీమర్‌ (జర్మనీ)పై నెగ్గాడు. ఆరో రౌండ్లో ప్రపంచ నంబర్‌వన్‌ మాగ్నస్‌ కార్ల్‌సన్‌ (నార్వే)తో డ్రా చేసుకున్నాడు. మరోవైపు డుడా (పోలెండ్‌)తో డ్రా చేసుకున్న ప్రజ్ఞానంద.. షెవ్‌చెంకో, గుకేశ్‌ చేతిలో ఓడాడు.