బజ్‌రంగ్‌పై యూడబ్ల్యూడబ్ల్యూ సస్పెన్షన్‌

దిల్లీ: డోపింగ్‌ పరీక్ష చేయించుకోవడానికి నిరాకరించినందుకు స్టార్‌ రెజ్లర్‌ బజ్‌రంగ్‌ పునియాపై ఐక్య ప్రపంచ రెజ్లింగ్‌ (యూడబ్ల్యూడబ్ల్యూ) సస్పెన్షన్‌ వేటు వేసింది. ఈ ఏడాది చివరి వరకు అతడిపై ఈ సస్పెన్షన్‌ కొనసాగుతుంది. ఇదే కారణంతో మొదట ఏప్రిల్‌ 23న జాతీయ డోపింగ్‌ నిరోధక సంస్థ (నాడా) బజ్‌రంగ్‌పై తాత్కాలిక నిషేధం విధించింది. తాను పరీక్ష చేయించుకోవడానికి ఎప్పుడూ నిరాకరించలేదని.. కానీ పరీక్ష కోసం అధికారి తెచ్చిన కిట్‌ గడువు ముగిసినందువల్లే అభ్యంతరం వ్యక్తం చేసినట్లు బజ్‌రంగ్‌ వెల్లడించాడు. తనను సస్పెండ్‌ చేసినట్లు యూడబ్ల్యూడబ్ల్యూ నుంచి ఎలాంటి సమాచారం రాలేదని తెలిపాడు.