GT vs MI: టైటాన్స్.. అదుర్స్
137/4.. శుభ్మన్ మెరుపులతో 16 ఓవర్లకు టైటాన్స్ స్కోరిది. ఇంకో 4 ఓవర్లే ఉన్నాయి.. 180కి అటు ఇటుగా ఆ జట్టు ఇన్నింగ్స్ ముగుస్తుందనిపించింది.
ముంబయిపై ఘనవిజయం
రాణించిన శుభ్మన్
చెలరేగిన మిల్లర్, అభినవ్
తిప్పేసిన రషీద్, అహ్మద్
అహ్మదాబాద్
137/4.. శుభ్మన్ మెరుపులతో 16 ఓవర్లకు టైటాన్స్ స్కోరిది. ఇంకో 4 ఓవర్లే ఉన్నాయి.. 180కి అటు ఇటుగా ఆ జట్టు ఇన్నింగ్స్ ముగుస్తుందనిపించింది. కానీ ఆ తర్వాతే అహ్మదాబాద్ స్టేడియాన్ని సిక్సర్ల సునామీ ముంచెత్తింది. బంతి గాల్లో ఎగురుతూనే కనిపించింది. అందుకు కారణం.. అభినవ్, మిల్లర్, తెవాతియా విధ్వంసమే! వీళ్లు ఎడాపెడా సిక్సర్లతో విరుచుకుపడడంతో ఆఖరి 4 ఓవర్లలో 70 పరుగులు వచ్చాయి. అనంతరం అఫ్గాన్ స్పిన్ ద్వయం రషీద్, అహ్మద్ ముంబయిని చుట్టేశారు.
ఐపీఎల్- 16లో డిఫెండింగ్ ఛాంపియన్ గుజరాత్ టైటాన్స్ అయిదో విజయాన్ని దక్కించుకుంది. మంగళవారం ఏకపక్షంగా సాగిన పోరులో ఆ జట్టు 55 పరుగుల తేడాతో ముంబయి ఇండియన్స్ను చిత్తుచేసింది. మొదట టైటాన్స్ 20 ఓవర్లలో 6 వికెట్లకు 207 పరుగులు చేసింది. సూపర్ ఫామ్లో ఉన్న శుభ్మన్ గిల్ (56; 34 బంతుల్లో 7×4, 1×6) మరో అర్ధశతకాన్ని అందుకోగా.. మిల్లర్ (46; 22 బంతుల్లో 2×4, 4×6), అభినవ్ మనోహర్ (42; 21 బంతుల్లో 3×4, 3×6), రాహుల్ తెవాతియా (20 నాటౌట్; 5 బంతుల్లో 3×6) విధ్వంసం సృష్టించారు. ముంబయి బౌలర్లలో పియూష్ చావ్లా (2/34) ఆకట్టుకున్నాడు. అనంతరం నూర్ అహ్మద్ (3/37), రషీద్ ఖాన్ (2/27), మోహిత్ శర్మ (2/38) దెబ్బకు ఛేదనలో ముంబయి నిర్ణీత ఓవర్లలో 9 వికెట్లకు 152 పరుగులకే పరిమితమైంది. నేహల్ (40; 21 బంతుల్లో 3×4, 3×6) టాప్స్కోరర్.
ఏ దశలోనూ..: ఒక సిక్సర్, ఒక ఫోర్ (బ్యాటర్ సాధించింది), ఒక వికెట్.. వెరసి పవర్ప్లేలో 29/1. ఇదీ భారీ ఛేదనను ముంబయి ఆరంభించిన తీరు. పేలవంగా మొదలెట్టిన ఆ జట్టు ఏ దశలోనూ లక్ష్యం దిశగా సాగలేదు. ఇన్నింగ్స్ రెండో ఓవర్లోనే కెప్టెన్ రోహిత్ (2)ను వెనక్కిపంపి ప్రత్యర్థికి హార్దిక్ (1/10) షాకిచ్చాడు. ఇషాన్ (21 బంతుల్లో 13) క్రీజులో ఉన్నా నత్తనడనక బ్యాటింగ్ కొనసాగించాడు. తాను ఆడిన తొలి 10 బంతుల్లో 2 పరుగులే చేసిన అతను.. 12వ బంతికి కానీ బౌండరీ సాధించలేకపోయాడు. ఇషాన్ మరిన్ని బంతులు వృథా చేసి రషీద్ వలలో చిక్కాడు. కార్తీకేయ స్థానంలో ఇంపాక్ట్ ప్లేయర్గా వచ్చిన తిలక్ (2).. అదే ఓవర్లో రషీద్కు వికెట్ల ముందు దొరికిపోయాడు. ఓ ఎండ్లో వికెట్లు పడ్డా.. మరో వైపు గ్రీన్ (33) పోరాటం సాగించాడు. అయినా 10 ఓవర్లకు 58/3తో నిలిచిన ముంబయి ఓటమి ఖాయమైంది. సాధించాల్సిన రన్రేట్ 15 దాటడంతో బ్యాటర్లు భారీ షాట్లకు ప్రయత్నించక తప్పలేదు. ఈ క్రమంలో అహ్మద్ ఒకే ఓవర్లో గ్రీన్తో పాటు డేవిడ్ (0)ను ఔట్ చేసి ముంబయి పతనాన్ని వేగవంతం చేశాడు. బంతిని తప్పుగా అంచనా వేసి గ్రీన్ బౌల్డవగా.. డేవిడ్ రాగానే బంతిని గాల్లోకి లేపి అభినవ్ చేతికి చిక్కాడు. ఆ తర్వాత సూర్యకుమార్ (23) మెరుపులు కాసేపే. అహ్మద్ తన తర్వాతి ఓవర్లో రిటర్న్ క్యాచ్ను డైవ్ చేసి పట్టడంతో సూర్య నిష్క్రమించాడు. యువ ఆటగాడు నేహల్ భారీ షాట్లతో ఆకట్టుకున్నాడు. పోరాడితే పోయేదేముంది అన్నట్లు బౌండరీలతో చెలరేగాడు. ఉన్నంత సేపు అలరించిన అతణ్ని.. మోహిత్ పెవిలియన్ చేర్చాడు. ఓ సిక్సర్తో జోరు ప్రదర్శించిన అర్జున్ (13)ను కూడా మోహితే ఔట్ చేశాడు.
మెరుపు ముగింపు..: అంతకుముందు టాస్ ఓడి బ్యాటింగ్కు దిగిన టైటాన్స్ ఇన్నింగ్స్ నెమ్మదిగా మొదలై.. శుభ్మన్ మెరుపులతో జోరందుకుంది. అభినవ్, మిల్లర్, తెవాతియా సంచలన బ్యాటింగ్తో ఘనంగా ముగిసింది. పంజాబ్తో గత మ్యాచ్లో ఒకే ఓవర్లో 31 పరుగులిచ్చిన ముంబయి పేసర్ అర్జున్ (1/9).. టైటాన్స్తో పోరులో బలంగా పుంజుకున్నాడు. మంచి వేగం, కచ్చితమైన లైన్, లెంగ్త్తో క్రమశిక్షణగా బౌలింగ్ చేసిన అతను తన తొలి రెండు ఓవర్లలో 9 పరుగులే ఇచ్చి సాహా (4)ను ఔట్ చేశాడు. దీంతో అయిదు ఓవర్లకు టైటాన్స్ స్కోరు 33/1. గ్రీన్ (0/39) వేసిన తర్వాతి ఓవర్లో వరుసగా 4, 4, 6 బాదిన శుభ్మన్ ఇన్నింగ్స్కు వేగాన్ని అందించాడు. ఆ వెంటనే హార్దిక్ (13)ను చావ్లా వెనక్కిపంపినా.. శుభ్మన్ మాత్రం తనదైన శైలిలో చూడముచ్చటైన షాట్లతో బౌండరీలు రాబట్టాడు. కవర్డ్రైవ్, కట్, పుల్ షాట్లతో సత్తాచాటాడు. మరో ఎండ్లో విజయ్ శంకర్ (19) కూడా కుదురుకోవడంతో 11 ఓవర్లకు 91/2తో టైటాన్స్ భారీస్కోరుపై కన్నేసింది. వరుస ఓవర్లలో శుభ్మన్, శంకర్ను ఔట్ చేసినా ఆ ఆనందం ముంబయికి మిగల్చకుండా మిల్లర్, అభినవ్ చెలరేగారు. చావ్లా బౌలింగ్ అభినవ్ వరుసగా రెండు ఫోర్లతో పాటు కళ్లు చెదిరేలా బౌలర్ తలమీదుగా సిక్సర్ కొట్టాడు. గ్రీన్ వేసిన 18వ ఓవర్ నుంచి విధ్వంసం తారస్థాయికి చేరి సిక్సర్ల వర్షం కురిసింది. ఆ ఓవర్లో అభినవ్ వరుసగా రెండు సిక్సర్లు, మిల్లర్ ఓ సిక్సర్ రాబట్టడంతో 22 పరుగులొచ్చాయి. అదే ఊపులో మరో భారీషాట్కు ప్రయత్నించి అభినవ్ ఔటైనా.. తెవాతియాతో కలిసి మిల్లర్ విధ్వంసం కొనసాగించాడు. తెవాతియా వస్తూనే బంతిని స్టాండ్స్లో పడేశాడు. 19వ ఓవర్ చివరి రెండు బంతులకూ మిల్లర్ అదే చేశాడు. చివరి ఓవర్లో తెవాతియా వరుసగా రెండు సిక్సర్లు కొట్టడంతో జట్టు స్కోరు 200 దాటింది.
గుజరాత్ టైటాన్స్ ఇన్నింగ్స్: సాహా (సి) ఇషాన్ (బి) అర్జున్ 4; శుభ్మన్ (సి) సూర్య (బి) కార్తీకేయ 56; హార్దిక్ (సి) సూర్య (బి) పియూష్ 13; విజయ్ శంకర్ (సి) డేవిడ్ (బి) చావ్లా 19; మిల్లర్ (సి) సూర్య (బి) బెరెన్డార్ఫ్ 46; అభినవ్ (సి) బెరెన్డార్ఫ్ (బి) మెరెడిత్ 42; తెవాతియా నాటౌట్ 20; రషీద్ నాటౌట్ 2; ఎక్స్ట్రాలు 5; మొత్తం: (20 ఓవర్లలో 6 వికెట్లకు) 207; వికెట్ల పతనం: 1-12, 2-50, 3-91, 4-101, 5-172, 6-205; బౌలింగ్: అర్జున్ 2-0-9-1; బెరెన్డార్ఫ్ 4-0-37-1; మెరెడిత్ 4-0-49-1; గ్రీన్ 2-0-39-0; పియూష్ 4-0-34-2; కార్తీకేయ 4-0-39-1
ముంబయి ఇండియన్స్ ఇన్నింగ్స్: రోహిత్ (సి) అండ్ (బి) హార్దిక్ 2; ఇషాన్ (సి) లిటిల్ (బి) రషీద్ 13; గ్రీన్ (బి) నూర్ 33; తిలక్ ఎల్బీ (బి) రషీద్ 2; సూర్యకుమార్ (సి) అండ్ (బి) నూర్ 23; డేవిడ్ (సి) అభినవ్ (బి) నూర్ 0; నేహల్ (సి) షమి (బి) మోహిత్ 40; పియూష్ రనౌట్ 18; అర్జున్ (సి) లిటిల్ (బి) మోహిత్ 13; బెరెన్డార్ఫ్ నాటౌట్ 3; మెరెడిత్ నాటౌట్ 0; ఎక్స్ట్రాలు 5; మొత్తం: (20 ఓవర్లలో 9 వికెట్లకు) 152; వికెట్ల పతనం: 1-4, 2-43, 3-45, 4-59, 5-59, 6-90, 7-135, 8-137, 9-152; బౌలింగ్: షమి 4-0-18-0; హార్దిక్ 2-0-10-1; రషీద్ ఖాన్ 4-0-27-2; నూర్ అహ్మద్ 4-0-37-3; మోహిత్ శర్మ 4-0-38-2; జోష్ లిటిల్ 2-0-18-0
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విరాట్ స్ట్రైక్రేట్ను విమర్శించే స్థాయి మీకుందా?: ఏబీ డివిలియర్స్
స్టార్ ప్లేయర్ విరాట్ కోహ్లీ (Virat Kohli) ఆట తీరుపై నెట్టింట విమర్శలు వస్తూనే ఉన్నాయి. టీ20 ఫార్మాట్కు తగ్గట్టుగా స్ట్రైక్రేట్ ఉండటం లేదని కొందరు మాజీలు కూడా వ్యాఖ్యలు చేస్తున్నారు. అలాంటి వాటిపై ఏబీ డివిలియర్స్ స్పందించాడు. -
ధోనీ అలా ఎప్పుడూ చేయొద్దు.. ఇది టీమ్ గేమ్: భారత మాజీ క్రికెటర్
ఈ ఐపీఎల్ సీజన్లో తొలిసారి ధోనీ ఔటయ్యాడు. అయితే, అతడు చివరి ఓవర్లో సింగిల్ను తిరస్కరించడంపై నెట్టింట చర్చకు తెర లేచింది. -
చెన్నైకి షాక్ తప్పదా.. ఐదుగురు బౌలర్ల గైర్హాజరీపై ఫ్లెమింగ్ ఏమన్నాడంటే?
లీగ్ స్టేజ్ చివరిదశకు చేరుకుంటున్న సమయంలో అన్ని ఫ్రాంచైజీలకు ఇబ్బందులు తప్పేలా లేవు. మరీ ముఖ్యంగా చెన్నై అభిమానులకు నిరాశ కలిగించే వార్తలు చక్కర్లు కొడుతున్నాయి. -
హైదరాబాద్.. ఫస్ట్ బ్యాటింగ్ చేస్తారా? 300 కొట్టేస్తారా?
టాప్ ప్లేస్లో ఉన్న రాజస్థాన్తో హైదరాబాద్ కీలక పోరుకు సిద్ధమైంది. ప్లేఆఫ్స్ బెర్తు రేసులో ముందుకు రావాలంటే సన్రైజర్స్కు ఈ మ్యాచ్ అత్యంత కీలకం. -
నంబర్ 6 ర్యాంకర్కు నో ప్లేస్.. ఆ బాధను తట్టుకోవడం కష్టమే: ఇర్ఫాన్ పఠాన్
ప్రపంచ కప్ కోసం జట్టు ఎంపికపై మాజీ క్రికెటర్లు కాస్త గుర్రుగానే ఉన్నారు. సెలక్షన్ కమిటీ కొందరిపట్ల అభిమానం చూపిస్తుందని విమర్శలు గుప్పించారు. -
నా లక్ష్యం వికెట్లు కాదు.. డాట్బాల్స్ వేయడంపైనే దృష్టిపెట్టా: బ్రార్
పంజాబ్ వరుసగా రెండో విజయాన్ని నమోదు చేసింది. ప్లేఆఫ్స్ అవకాశాలను సజీవంగా ఉంచుకుంది. -
ఆ ఇద్దరు లేకపోవడం నష్టమే.. మరో 60 పరుగులు చేయాల్సింది: రుతురాజ్
మ్యాచ్ జరుగుతున్నప్పుడు పెద్దగా ఆందోళన పడని రుతురాజ్ టాస్ సమయంలో మాత్రం ఒత్తిడికి గురయ్యాడట. ఇదే విషయాన్ని స్వయంగా చెన్నై కెప్టెన్ వెల్లడించాడు. -
మ్యాక్సీ.. నీ మాయ ఏమైంది?
ఐపీఎల్లో ఇప్పటికే ఎన్నో మెరుపు ఇన్నింగ్స్లు ఆడిన గ్లెన్ మ్యాక్స్వెల్ (Glenn Maxwell) ఈసారి కూడా అలాగే అలరిస్తాడని ఫ్యాన్స్ ఆశించారు. కానీ మ్యాక్సీ పేలవ ఫామ్తో లీగ్ మధ్యలో తనకు తానుగా బ్రేక్ తీసుకుని షాక్ ఇచ్చాడు. -
‘ఇది మహాయుద్ధం’.. టీమ్ఇండియాకు అమితాబ్ స్పెషల్ మెసేజ్
T20 World Cup: టీ20 ప్రపంచకప్ కోసం భారత ఆటగాళ్లకు అమితాబ్ బచ్చన్ సందేశమిచ్చారు. తన కొత్త సినిమా ‘కల్కి’లోని అశ్వత్థామ అవతారంలో క్రికెటర్లలో ప్రేరణ నింపారు. -
ఫైనల్ ఓవర్లో సిక్స్.. ధోనీ రికార్డు మరింత పదిలం
MS Dhoni: బుధవారం పంజాబ్తో జరిగిన ఐపీఎల్ మ్యాచ్లో చెన్నై ఓడిపోయింది. అయితే, ధోనీ మాత్రం ఇప్పటి వరకు తన పేరిట ఉన్న ఓ రికార్డును ఈ మ్యాచ్తో మరింత పదిలం చేసుకున్నాడు. -
రస్మలై, బిర్యానీ మానేసి.. 16కిలోలు తగ్గి..
రిషబ్ పంత్.. పునరాగమన హీరో. ఘోర ప్రమాదంలో తీవ్రంగా గాయపడి ఇక మామూలుగా నడవడమే కష్టమనుకున్న దశ నుంచి, కెరీరే లేదనుకున్న స్థితి నుంచి కోలుకుని.. తిరిగి భారత జట్టులో చోటు సంపాదించడం ఎంతో స్ఫూర్తిదాయకం. -
చెన్నైకి పంజాబ్ పంచ్
పంజాబ్ కింగ్స్ అదుర్స్. వరుసగా నాలుగు ఓటముల అనంతరం కళ్లు చెదిరే బ్యాటింగ్తో గత మ్యాచ్లో కోల్కతాపై సంచలన విజయం సాధించిన ఆ జట్టు.. మరోసారి మెరిసింది. ఆల్రౌండ్ ఆధిపత్యంతో చెన్నై సూపర్కింగ్స్కు షాకిచ్చింది. -
రాజస్థాన్ను అడ్డుకునేనా?
వరుసగా నాలుగు విజయాలు.. రికార్డు స్కోర్లతో ఐపీఎల్లో జోష్ తీసుకొచ్చిన సన్రైజర్స్ హైదరాబాద్ ఒక్కసారిగా ఢీలాపడింది. వరుసగా రెండు పరాజయాలతో ప్రత్యర్థి జట్లకు కనీస పోటీ ఇవ్వలేని పరిస్థితికి చేరుకుంది. -
రింకు నిరాశ
మంచి ఫినిషర్గా పేరు తెచ్చుకున్న రింకు సింగ్ను టీ20 ప్రపంచకప్కు ఎంపిక చేయకపోవడం అభిమానులు, క్రికెట్ నిపుణులను షాక్కు గురి చేసింది. -
పోరాడి ఓడిన భారత్
థామస్ కప్ బ్యాడ్మింటన్ టోర్నీ చివరి లీగ్ పోరులో భారత జట్టుకు చుక్కెదురైంది. ఇప్పటికే క్వార్టర్ఫైనల్లో అడుగుపెట్టిన భారత్.. గ్రూపు-సి ఆఖరి పోరులో 1-4తో ఇండోనేసియా చేతిలో ఓడింది. -
న్యూయార్క్కు పిచ్ల తరలింపు
టీ20 ప్రపంచకప్ ఆతిథ్యం కోసం అమెరికా ముస్తాబవుతోంది. న్యూయార్క్లో జరిగే మ్యాచ్ల కోసం డ్రాప్ ఇన్ పిచ్లను సిద్ధం చేస్తున్నారు. -
ఆసీస్ జట్టులో స్మిత్కు దక్కని చోటు
టీ20 ప్రపంచకప్లో పోటీపడే ఆస్ట్రేలియా జట్టును బుధవారం ప్రకటించారు. మిచెల్ మార్ష్ నేతృత్వంలోని 15 మంది సభ్యుల జట్టులో వెటరన్ బ్యాటర్ స్టీవ్ స్మిత్కు స్థానం దక్కలేదు. -
భారత జట్టుకు పారిస్ బెర్తే లక్ష్యం
పారిస్ ఒలింపిక్స్లో భారత రికర్వ్ జట్టు అర్హత సాధించాలని లక్ష్యంగా పెట్టుకున్నట్లు భారత ఆర్చర్ బొమ్మదేవర ధీరజ్ అన్నాడు. వ్యక్తిగత విభాగంలో ధీరజ్ ఒక్కడికే పారిస్ బెర్తు దక్కింది. -
మిగతా ఐపీఎల్కు మయాంక్ అనుమానం
ప్లేఆఫ్స్ గడువు సమీపిస్తున్న సమయంలో లఖ్నవూ సూపర్ జెయింట్స్కు పెద్ద ఎదురుదెబ్బ. యువ పేస్ సంచలనం మయాంక్ యాదవ్ మిగతా ఐపీఎల్కు అందుబాటులో ఉండటం అనుమానంగా కనిపిస్తోంది.
తాజా వార్తలు (Latest News)
-
ఏపీలో ఆరోగ్యశ్రీ సేవలు నిలిపివేస్తాం: నెట్వర్క్ ఆసుపత్రుల లేఖ
-
బోయింగ్ విజిల్ బ్లోయర్ ఆకస్మిక మృతి.. 2 నెలల వ్యవధిలో రెండోది
-
‘పుష్ప2’ స్టెప్పై డేవిడ్ వార్నర్ కామెంట్.. చాలా ఈజీ అంటూ రిప్లై ఇచ్చిన బన్నీ
-
విరాట్ స్ట్రైక్రేట్ను విమర్శించే స్థాయి మీకుందా?: ఏబీ డివిలియర్స్
-
ఈనాడు.నెట్లో టాప్ 10 వార్తలు @ 5 PM
-
లావుగా ఉన్నాడని కొడుకుతో బలవంతంగా ట్రెడ్మిల్.. ఆరేళ్ల బాలుడి మృతి