UP Warriorz vs RCB: దంచికొట్టిన మంధాన.. యూపీ లక్ష్యం 199

బెంగళూరు: మహిళల ప్రీమియర్‌ లీగ్‌ (WPL 2024)లో యూపీ వారియర్స్‌తో మ్యాచ్‌లో బెంగళూరు దంచికొట్టింది. కెప్టెన్‌ స్మృతి మంధాన (80), ఎలీస్‌ పెర్రీ (58) అదరగొట్టడంతో.. ఆ జట్టు 3 వికెట్ల నష్టానికి 198 పరుగులు చేసింది. టాస్‌ ఓడి బ్యాటింగ్‌కు దిగిన ఆర్సీబీకి ఓపెనర్లు సబ్బినేని మేఘన (28), మంధాన కలిసి శుభారంభానిచ్చారు. తొలి వికెట్‌కు వీరు 51 పరుగులు జోడించారు. ఆ తర్వాత అంజలి బౌలింగ్‌లో ఆటపట్టుకి క్యాచ్‌ ఇచ్చి మేఘన వెనుదిరిగింది. అనంతరం క్రీజ్‌లోకి వచ్చిన ఎలీస్‌ పెర్రీతో కలిసి మంధాన దూకుడుగా ఆడింది. రిచా ఘోష్‌ (21*), సోఫీ (2*) నాటౌట్‌గా నిలిచారు. యూపీ బౌలర్లలో అంజలి, దీప్తి శర్మ, సోఫీ ఎక్లెస్టోన్‌ ఒక్కో వికెట్‌ తీశారు. మరి 199 పరుగుల లక్ష్యఛేదనలో యూపీ వారియర్స్‌ ఎలా రాణిస్తుందో చూడాలి.