Rohit sharma: రోహిత్‌ కెప్టెన్సీకి యువరాజ్‌ సింగ్‌ ఇచ్చిన రేటింగ్‌ ఎంతంటే?

దిల్లీ: కెప్టెన్‌గా మహేంద్రసింగ్‌ ధోని(Mahendrasingh dhoni) వైదొలిగిన తర్వాత టీమ్‌ఇండియా(Team india) ముందు ఉన్న ఏకైక లక్ష్యం ఐసీసీ(ICC) ట్రోఫీని గెలవడమే. రోహిత్‌ శర్మ(Rohit sharma) నేతృత్వంలో ఇటీవల జరిగిన టీ20 ప్రపంచకప్‌(T20 World cup)తోనూ ఈ కల నెరవేరలేదు. వచ్చే ఏడాది వన్డే ప్రపంచకప్‌ ముంగిట బంగ్లాదేశ్‌తో తొలి వన్డేలో టీమ్‌ఇండియా బ్యాటింగ్‌ వైఫల్యం బయటపడింది. ఈ నేపథ్యంలో రోహిత్‌ విమర్శలు ఎదుర్కొంటున్న విషయం తెలిసిందే. ఈ అంశంపై యువరాజ్‌ సింగ్‌ ఆసక్తికర వ్యాఖ్యలు చేశాడు. తాజాగా ఓ క్రీడా వెబ్‌సైట్‌ రోహిత్‌ కెప్టెన్సీపై పోల్‌ను నిర్వహించింది. దీనిపై నెటిజన్లు తమ స్పందనను రేటింగ్‌ రూపంలో తెలియజేశారు. ఈ పోల్‌లో యువరాజ్‌ సింగ్‌ సైతం పాల్గొని ఆశ్చర్యపరిచాడు. రోహిత్‌ కెప్టెన్సీకి తాను పదికి పది మార్కులు ఇస్తానని కామెంట్ చేశాడు. జాతీయ జట్టు తరఫున అద్భుతమైన ప్రదర్శనలు చేసిన రోహిత్‌కు యువీ ఇచ్చిన రేటింగ్‌ సరైందేనని అభిమానులు హర్షం వ్యక్తం చేస్తున్నారు.