వాలంటీర్ల ‘సాక్షి’ కొనుగోలుపై నేడు దిల్లీ హైకోర్టు విచారణ

దిల్లీ: ఆంధ్రప్రదేశ్‌లో వాలంటీర్ల సాక్షి దినపత్రిక కొనుగోలు వ్యవహారంపై తదుపరి విచారణను దిల్లీ హైకోర్టు బుధవారం చేపట్టనుంది. ఈ కేసులో ఈ నెల 14న జరిగిన విచారణలో ఇరుపక్షాల వాదనలు విన్న న్యాయస్థానం.. తదుపరి విచారణ తేదీ వరకు తెలుగు దినపత్రికల సర్క్యులేషన్‌ గణాంకాలను విడుదల చేయొద్దని ‘ఆడిట్‌ బ్యూరో ఆఫ్‌ సర్క్యులేషన్‌ (ఏబీసీ)’ను ఆదేశించింది. ఆ వివరాలను తమకు సీల్డ్‌ కవరులో అందజేయాలని సూచించింది. అనంతరం- ఉషోదయా పబ్లికేషన్స్‌ వినతి మేరకు ఈ నెల 14 నాటి ఉత్తర్వుల్లోని ‘సర్వే’ అనే పదాన్ని ‘సర్క్యులేషన్‌ ఆడిట్‌’గా మార్పు చేస్తూ 22న హైకోర్టు ఉత్తర్వులు జారీ చేసింది.