అందుకే పెళ్లైనా ఫ్రెండ్స్ సర్కిల్ ఉండాలట!
స్నేహబంధం అమూల్యమైనది. జీవితంలో ప్రతి దశలోనూ మన కష్టసుఖాలు పంచుకోవడానికి ప్రాణ స్నేహితులుండాలంటారు. అయితే వృత్తి-ఉద్యోగాలు, పెళ్లి, పిల్లలు, ఇతర కుటుంబ బాధ్యతల రీత్యా చాలామంది మహిళలు తమ స్నేహితుల్ని కలుసుకునే సందర్భాలు తగ్గిపోతుంటాయి. కొంతమందికి కనీసం ఫోన్లో మాట్లాడుకునేందుకు....
స్నేహబంధం అమూల్యమైనది. జీవితంలో ప్రతి దశలోనూ మన కష్టసుఖాలు పంచుకోవడానికి ప్రాణ స్నేహితులుండాలంటారు. అయితే వృత్తి-ఉద్యోగాలు, పెళ్లి, పిల్లలు, ఇతర కుటుంబ బాధ్యతల రీత్యా చాలామంది మహిళలు తమ స్నేహితుల్ని కలుసుకునే సందర్భాలు తగ్గిపోతుంటాయి. కొంతమందికి కనీసం ఫోన్లో మాట్లాడుకునేందుకు కూడా సమయం దొరక్కపోవచ్చు. దీనివల్ల వారి మధ్య అనుబంధం కూడా సన్నగిల్లుతూ వస్తుంది. నిజానికి చాలామంది ఈ విషయాన్ని నిర్లక్ష్యం చేస్తుంటారు కానీ.. పెళ్లై, పిల్లలు పుట్టినా మనకంటూ ఓ ఫ్రెండ్స్ సర్కిల్ను కొనసాగించడం మంచిదంటున్నారు రిలేషన్షిప్ నిపుణులు. దీనివల్ల వ్యక్తిగతంగా మనకు కాస్త సమయం దొరకడంతో పాటు ఇతర ప్రయోజనాలూ చేకూరతాయంటున్నారు. మరి, అవేంటో మనమూ తెలుసుకుందాం రండి..
మాటతో మద్దతిస్తారు!
దాంపత్య బంధంలో భార్యాభర్తల మధ్య పొరపచ్ఛాలు, గొడవలు సహజం. కారణాలేవైనా కొన్నిసార్లు అత్తింటి వారితోనూ మనస్పర్థలు రావచ్చు. ఈ సమయంలో మనసు కకావికలమవుతుంటుంది. పోనీ.. ప్రతి సమస్యా తల్లిదండ్రులతో పంచుకుందామంటే.. ‘ఇంత చిన్న విషయాలకే వాళ్లను టెన్షన్ పెట్టడమెందుకు?’ అనిపిస్తుంటుంది. అలాగని వాటిని మనలోనే దాచుకుంటే ఒత్తిడి, ఆందోళన, ఇతర మానసిక సమస్యల బారిన పడక తప్పదు. ఇలాంటప్పుడే ‘మన బాధను పంచుకోవడానికి ఓ స్నేహితురాలుంటే బాగుండేది కదా!’ అనిపిస్తుంటుంది. అయితే ఎంత స్నేహితులైనా.. ఇలా అవసరమున్నప్పుడు పలకరించడం కంటే.. ఎప్పటికీ వారితో టచ్లో ఉండడం, కలుసుకోవడం.. వంటివి చేస్తే.. మీ సమస్యల్ని వారితో మరింత సులభంగా పంచుకోగలుగుతారంటున్నారు నిపుణులు. ఫలితంగా మీ సమస్యకు వారి నుంచి చక్కటి పరిష్కారం కూడా దొరకచ్చంటున్నారు. కాబట్టి పెళ్లి తర్వాత కూడా గతంలోలాగే మీ స్నేహితుల కోసం తగిన సమయం కేటాయించుకునేలా ప్లాన్ చేసుకోవడం మంచిదంటున్నారు నిపుణులు.
నచ్చింది చేసేయచ్చు!
పెళ్లయ్యాక కూడా భర్తలు తమ స్నేహాల్ని కొనసాగించడం, ఆయా సందర్భాల్లో వారిని కలుసుకోవడం, వారితో కలిసి సినిమాలు-షికార్లు-షాపింగ్.. వంటివి చేయడం మనం చూస్తుంటాం. కానీ ఇలా చేసే భార్యలు చాలా తక్కువమందే అని చెప్పాలి. ఇందుకు వ్యక్తిగతంగా, వృత్తిపరంగా పలు కారణాలుంటాయి. అలాగని వాటి మూలంగా మీ వ్యక్తిగత స్వేచ్ఛను, ఇష్టాయిష్టాల్ని త్యాగం చేస్తూ మానసికంగా ఇబ్బంది పడడం కంటే.. స్నేహితులకు కాస్త సమయం కేటాయించడం మంచిదంటున్నారు నిపుణులు. దీనివల్ల కలిసి షాపింగ్కి, సినిమాలకు వెళ్లొచ్చు.. అలాగే ఎప్పుడూ కుటుంబంతోనే కాకుండా.. అప్పుడప్పుడూ వెకేషన్కీ ప్లాన్ చేసుకోవచ్చు. తద్వారా స్నేహితులతో అనుబంధం పెరుగుతుంది. మరోవైపు మనసుకు నచ్చిన పనులు, నచ్చిన వారితో కలిసి చేయడం వల్ల మనసూ ఉత్తేజితమవుతుంది.
ఆ సమస్యకో సలహా!
వైవాహిక జీవితంలోనే కాదు.. వ్యక్తిగతంగానూ కొన్ని సమస్యలు మనకు సవాలు విసురుతుంటాయి. అలాంటి వాటిలో కొన్ని స్నేహితులతో పంచుకుంటేనే పరిష్కారం దొరుకుతుందనిపిస్తుంది. ముఖ్యంగా.. పెళ్లైన కొత్తలో ఎదురయ్యే లైంగిక సమస్యలు, అప్పుడే పిల్లలు పుట్టకుండా వాయిదా వేసుకునే మార్గాలు.. ఇలాంటి విషయాల గురించి డాక్టర్తో చర్చించడం కంటే ఫ్రెండ్స్తో సులభంగా పంచుకోగలుగుతాం. వారూ తమ అనుభవంతో కొన్ని సలహాలివ్వగలుగుతారు.. అవి విన్న వెంటనే మనసుకు ఊరట కలుగుతుంది. కాబట్టి ఇలాంటప్పుడు స్నేహితులు మనకు ఎంతో మద్దతుగా నిలుస్తుంటారు. అయితే ఆరోగ్యానికి సంబంధించిన ఇలాంటి విషయాల్లో స్నేహితుల ద్వారా ప్రాథమిక సలహా తీసుకున్నప్పటికీ.. ఆయా సమస్యల గురించి సంబంధిత డాక్టర్తో చర్చించి ముందుకెళ్లడం మంచిదంటున్నారు నిపుణులు.
ముందే తెలుసుకోండి!
వ్యక్తిగతంగానైనా, ఎమోషనల్గానైనా.. స్నేహితులు మనకు అన్ని వేళలా అండగా ఉంటారు. అయితే పెళ్లి తర్వాత కొంతమంది మహిళలు ఒంటరితనంతో బాధపడుతుంటారు. ఇందుకు వాళ్లు స్నేహితులకు దూరమవడం కూడా ఓ కారణమంటున్నారు నిపుణులు. భర్త, అత్తింటి వారు నిరాకరించడంతో తమ ఫ్రెండ్స్ సర్కిల్కు దూరంగా ఉండే వారు మరికొందరుంటారు. దీనివల్ల జీవితంలో ప్రశాంతత కోల్పోవడంతో పాటు దాంపత్య బంధంలోనూ గొడవలు తప్పవు. అందుకే ఈ సమస్య రాకూడదంటే పెళ్లికి ముందే మీ ఫ్రెండ్స్ సర్కిల్, స్నేహబంధాల గురించి మీకు కాబోయే వారితో చర్చించండి. అలాగే వారి స్నేహితుల గురించీ అడిగి తెలుసుకోండి. తద్వారా పెళ్లి తర్వాత ఈ విషయంలో ఎలాంటి గొడవలకు తావుండదు. ఇక ఆపై స్నేహాన్ని, కుటుంబ బాధ్యతల్ని, వృత్తిఉద్యోగాల్నీ.. ఇలా అన్నింటినీ సమన్వయం చేసుకుంటూ ముందుకెళ్లడమూ ముఖ్యమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
ఆరోగ్యమస్తు
- డిప్రెషన్ తగ్గించే పాదాంగుష్ఠాసనం
- ఎలా తింటున్నారు
- పగలు నిద్రపోతున్నారా?
- నెలకు రెండుసార్లు పిరియడ్స్.. ఎందుకిలా?
- వీటితో.. కడుపు చల్లగా.. ఆరోగ్యంగా..!
అనుబంధం
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
యూత్ కార్నర్
- పేదరికాన్ని దాటి... చదువుల్లో మెరిసి!
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!