అందుకే అమ్మాయిలకు గుండు.. అబ్బాయిలకు పొడవైన జుట్టు..!
మనసుకు నచ్చిన వాడు.. మంచి మనసున్న వాడు.. భర్తగా రావాలని ప్రతి అమ్మాయీ కోరుకుంటుంది. ఈ క్రమంలోనే పండగలప్పుడు ఉపవాసం ఉండడం, ప్రత్యేక పూజలు చేయడం, నోములు-వ్రతాలు చేయడం.. వంటివి కొంతమందికి అలవాటే! ఇక కాబోయే వాడికి నచ్చాలని అందం, కేశ సౌందర్యంపై ప్రత్యే....
మనసుకు నచ్చిన వాడు.. మంచి మనసున్న వాడు.. భర్తగా రావాలని ప్రతి అమ్మాయీ కోరుకుంటుంది. ఈ క్రమంలోనే పండగలప్పుడు ఉపవాసం ఉండడం, ప్రత్యేక పూజలు చేయడం, నోములు-వ్రతాలు చేయడం.. వంటివి కొంతమందికి అలవాటే! ఇక కాబోయే వాడికి నచ్చాలని అందం, కేశ సౌందర్యంపై ప్రత్యేక దృష్టి పెడుతుంటారు. అయితే ఆ తెగలో మాత్రం తమకు యోగ్యుడైన వరుడు భర్తగా రావాలని.. పెళ్లికి ముందే అతివలు గుండు చేయించుకుంటారట! అక్కడి అమ్మాయిల సంగతి ఇలా ఉంటే.. అబ్బాయిలేమో అమ్మాయిలకు నచ్చడం కోసం జుట్టును బారుగా పెంచుతూ.. వాటి సౌందర్య పోషణపై ప్రత్యేక దృష్టి పెడతారట! వినడానికి వింతగా, ఆశ్చర్యంగా ఉన్నా.. ఇది ఆ తెగలో ప్రాచీన కాలం నుంచి సంప్రదాయంగా వస్తోందట! ఇంతకీ ఏంటా తెగ? ఎక్కడుంది? అక్కడి మహిళలు పాటిస్తోన్న వింత ఆచారాలేంటి? తెలుసుకోవాలంటే.. ఇది చదివేయండి!
అమ్మాయిలకు గుండు.. అబ్బాయిలకు జుట్టు!
రాబోయే వరుడి విషయంలో కెన్యాకు చెందిన బొరానా తెగ మహిళలకు ఓ వింత నమ్మకం ఉంది. పెళ్లికి ముందు గుండు చేయించుకుంటే.. తమకు గుణవంతుడైన వాడు భర్తగా దొరుకుతాడని అక్కడి వారి నమ్మకం. అయితే ఈ నమ్మకం ఈనాటిది కాదు.. ప్రాచీన కాలం నుంచే అక్కడి అమ్మాయిలు ఈ సంప్రదాయాన్ని పాటిస్తూ వస్తున్నారట! ఇక అమ్మాయిల సంగతి ఇలా ఉంటే.. అబ్బాయిలు ఇందుకు పూర్తి భిన్నమైన సంప్రదాయాన్ని పాటిస్తున్నారు. వాళ్లు తమ జుట్టు సౌందర్యం విషయంలో ప్రత్యేక శ్రద్ధ చూపుతుంటారట! ఈ క్రమంలో జుట్టును ఒత్తుగా, పొడవుగా పెంచుకోవడానికి ప్రాధాన్యమిస్తుంటారు. జుట్టు పోషణ కోసం నెయ్యి, వెన్న.. వంటివి కూడా ఉపయోగిస్తుంటారట! ఇలా తమకు ఒత్తైన జుట్టుంటేనే అమ్మాయిలు ఇష్టపడతారని అక్కడి అబ్బాయిల నమ్మకమట!
చిన్నతనం నుంచే..
ఇక ఈ తెగలో పెళ్లీడుకొచ్చిన అమ్మాయిల సంగతి ఇలా ఉంటే.. బాలికలు, యుక్త వయసులో ఉన్న అమ్మాయిలు మరో రకమైన హెయిర్స్టైల్ను పాటిస్తుంటారట! ఈ క్రమంలో తల చుట్టూ ఉన్న వెంట్రుకల్ని షేవ్ చేసుకొని.. కేవలం మధ్య భాగంలో ఉన్న జుట్టుతోనే జడ వేసుకోవడం (అండర్కట్ హెయిర్స్టైల్ మాదిరిగా), బన్ హెయిర్స్టైల్ వేసుకోవడం.. వంటివి చేస్తుంటారట అక్కడి అమ్మాయిలు. కెన్యాలోని ఇథియోపియా, సోమాలియా.. వంటి దేశాల్లో ఎక్కువగా కనిపించే ఈ తెగలో అమ్మాయిలకు చిన్నతనం నుంచే ఇంటి పనులు, వంట పనుల్ని అలవాటు చేస్తుంటారట! అందుకే అక్కడి అమ్మాయిల్ని పెంచే బాధ్యత ముఖ్యంగా అమ్మలే తీసుకుంటారట! ఇక బొరానా తెగలో ఎటు చూసినా చెక్క-మట్టితో నిర్మించిన ఇళ్లే కనిపిస్తాయి. వాటిని నిర్మించే బాధ్యత కూడా మహిళలదేనట! ఇక పురుషులు మాత్రం తమ భార్యాపిల్లల్ని, కుటుంబాన్ని పోషించడానికి వ్యవసాయం, పాడి పశువుల పెంపకం వంటి వాటిలో నిమగ్నమవుతారట.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- మ్యాచింగ్ పోట్లీ మస్తుంది!
- Makeup: ఈ పొరపాట్లు వద్దు!
- అందానికి చింతపండు..!
- నిర్మలమ్మ ‘బడ్జెట్’ శారీస్.. చీరచీరకో ప్రత్యేకత!
- చినుకుల్లో కురులు జాగ్రత్త!
ఆరోగ్యమస్తు
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
- ‘అమ్మా’ అనే పిలుపు వినాలని!
- మీ మౌత్వాష్ ఎలాంటిది?
- చాందీపుర వైరస్.. పిల్లల విషయంలో ఈ జాగ్రత్తలు తప్పనిసరి!
అనుబంధం
- నియమం ‘777’తో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- కొలీగ్తో రెండో పెళ్లి.. పేరెంట్స్ వద్దంటున్నారు!
- వాళ్ల ప్రేమ నిజమా? నకిలీనా?
- Sushmita Sen: లైంగిక అంశాల గురించి నా పిల్లలతో అలా చర్చిస్తా!
యూత్ కార్నర్
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
- రెండేళ్ల కష్టం... రూ.54 లక్షల ఉద్యోగం!
- మలార్ వాట్సాప్... టీచర్!
'స్వీట్' హోం
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- వర్షాలకు మొక్కలు పాడవకుండా..!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- బరువెక్కుతున్న తెలుగు రాష్ట్రాలు!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!
- ఆఫీసులో ఒత్తిడి తగ్గుతుందిలా..