Twitter: పరాగ్‌కు హు జింటావోకు పోలిక.. మస్క్‌ తొలగింపులపై నెటిజన్ల స్పందన..!

ఇంటర్నెట్‌డెస్క్‌: పలు నాటకీయ పరిణామాల అనంతరం ప్రపంచ కుబేరుడు ఎలాన్‌మస్క్‌ సామాజిక మాధ్యమ సంస్థ ట్విటర్‌ను సొంతం చేసుకున్నారు. ఎంట్రీ రోజే ఉన్నతోద్యోగులపై వేటు వేశారు. సీఈఓగా ఉన్న పరాగ్‌ అగర్వాల్‌ను బయటకి పంపించారు. దీనిపై నెటిజన్లు మీమ్స్‌ వర్షం కురిపిస్తున్నారు. 

ఇటీవల చైనాలో కమ్యూనిస్ట్ పార్టీ మహాసభలు జరిగాయి. సభల ముగింపు రోజున అధ్యక్షుడు షీ జిన్‌పింగ్ సమక్షంలోనే మాజీ అధ్యక్షుడు హు జింటావోను కొందరు సిబ్బంది బయటకు తీసుకెళ్లారు. ఇప్పుడు ఆ వీడియోను పరాగ్‌-మస్క్‌ వ్యవహారానికి ఆపాదిస్తున్నారు. జిన్‌పింగ్ స్థానంలో మస్క్‌, జింటావో స్థానంలో పరాగ్‌ను ఉంచి మీమ్‌ సిద్ధం చేశారు. ‘మీరు దిగ్గజ సంస్థకు సీఈఓ అయితే ఏంటి.. ప్రభుత్వ ఉద్యోగాల్లోనే భద్రత’ అంటూ మరొకరు కామెంట్‌ పెట్టారు.