వీటిని మళ్లీ పెంచుకోవచ్చు.. - regrowing vegetables from scrap in telugu
close
Updated : 14/09/2021 18:38 IST

వీటిని మళ్లీ పెంచుకోవచ్చు..

కూరగాయల్ని, పండ్లని కట్ చేసిన తర్వాత మిగిలిపోయిన కాడల్ని, ముచ్చికలని పడేయడం సాధారణంగా అందరూ చేసే పనే. అయితే కొన్ని రకాల కూరగాయలను పడేయకుండా తిరిగి మనం మట్టిలో పాతితే వాటి ఫలాల్ని తిరిగి పొందచ్చు. లేదంటే చిన్న చిన్న కుండీల్లో పాతి కిచెన్ గార్డెన్‌లా కూడా పెంచుకోవచ్చు. ఇంతకీ కట్‌చేసిన తర్వాత నాటితే, తిరిగి పెరిగే కూరగాయలు, పండ్ల మొక్కలు ఏంటి? వాటిని ఎలా పెంచుకోవాలో తెలుసుకుందాం రండి...

క్యారట్

క్యారట్‌ను కోసేటప్పుడు పైన ఉండే ముచ్చిక లాంటి భాగాన్ని వేరు చేసి పడేస్తాం. ఇలా చేయడం కంటే దాన్ని ఒక చిన్న కుండీలో పాతిపెట్టడం ద్వారా క్యారట్ మొక్కలు పెంచుకోవచ్చు. క్యారట్ పైభాగాన్ని కాస్త కండ ఉండేలా కట్ చేసుకోవాలి. దీన్ని నీళ్లు పోసిన ప్లాస్టిక్ డబ్బాలో పెట్టాలి. అయితే నీరు మరీ ఎక్కువ కాకుండా అడుగు భాగం మాత్రమే తడిసేలా ఉంటే సరిపోతుంది. ఈ డబ్బాను ఎండ తగిలేలా ఉంచితే క్యారట్ ముక్కపై చిన్న చిన్న ఆకులు వస్తాయి. అవి కాస్త పెరిగిన తర్వాత దాన్ని నేరుగా మట్టిలో పాతిపెడితే క్యారట్ మొక్క పెరుగుతుంది. రెండు, మూడు నెలల్లో క్యారట్లు పెరిగి, మళ్లీ కూరకు సిద్ధంగా ఉంటాయి.


కొత్తిమీర

ఎంత బాగా వండినా అందులో కాస్త కొత్తిమీర వేయకపోతే అది అంత రుచిగా అనిపించదు. అందుకే దాదాపు అన్ని రకాల వంటల్లోనూ కొత్తిమీరను ఉపయోగిస్తుంటాం. అయితే కొందరు కొత్తిమీర కాడల్ని వేరు చేసి వేర్లు, కాడలు ఉండే కింది భాగాన్ని పడేస్తుంటారు. అలాంటి వారు చిన్న కుండీలో మట్టి పోసి వాటిని పాతి పెడితే అవి తిరిగి పెరుగుతాయి.


ఉల్లికాడలు

ఇటీవలి కాలంలో వంటకాల్లో ఉల్లికాడలను ఉపయోగించడం పరిపాటిగా మారిపోయింది. వీటిని తరిగేటప్పుడు చాలామంది కింద వేర్లున్న భాగాన్ని పడేస్తుంటారు. అలా కాకుండా ఎండ తగిలే చోట దాన్ని నాటి,రోజూ కొన్ని నీళ్లు పోస్తే తిరిగి ఉల్లికాడలు పెరుగుతాయి. ఫలితంగా ఎప్పుడు కావాలంటే అప్పుడు తాజాగా ఉన్న కాడలను కూరల్లో ఉపయోగించవచ్చు. కాస్త పాడయ్యాయి లేదా మురిగిపోతున్నాయి అనేవిధంగా ఉన్న ఉల్లిపాయలను భూమిలో పాతినా కొత్త మొక్కలు పుట్టుకొస్తాయి.


అల్లం

వంటల్లో ఎక్కువగా ఉపయోగించే వాటిలో అల్లం కూడా ఒకటి. ఒక చిన్న అల్లం ముక్కను మట్టి నింపిన కుండీలో ఉంచాలి. కుండీ ఎప్పుడూ తేమగా ఉండేలా చూడాలి. అలా అని నీరు మరీ ఎక్కువగా పోయకూడదు. కొంత కాలం పోయిన తర్వాత దాని నుంచి చిగుళ్లు వచ్చి మొక్క పెరగడం ప్రారంభిస్తుంది. తర్వాత మట్టి లోపల అల్లం పెరుగుతుంది. ఎప్పుడైనా అవసరం అయినపుడు అల్లం పూర్తిగా తీసేయకుండా కావల్సినంత తీసుకొని తిరిగి మట్టితో కప్పాలి.


పైనాపిల్

పైనాపిల్‌ని ముక్కలుగా కోసేటప్పుడు ఆకులను తీయడానికి కొంత భాగం వేరుచేస్తాం. దాన్ని కూడా భూమిలో పాతి ఉంచితే పైనాపిల్‌ని మనమే పండించుకోవచ్చు. వేరుచేసిన పైనాపిల్ భాగాన్ని ఆకులు పైకి వచ్చేలా మట్టిలో పాతి ఉంచితే సరిపోతుంది. కొన్నాళ్లకు మొక్క పెరుగుతుంది.


గోంగూర కాడలు..

గోంగూర ఆకులు కోసిన తర్వాత వాటి కాడలను పడేస్తూ ఉంటాం. అలా కాకుండా వాటిని తిరిగి నేలలో పాతినట్లయితే రెండు మూడు రోజుల్లో అవి చిగుర్లు తొడుగుతాయి. మనకు ఎప్పుడు కావాలంటే అప్పుడు గోంగూర ఆకులను కోసి ఉపయోగించుకోవచ్చు.

మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని