Andhra News : అనంతపురంలోని బళ్లారి బైపాస్ నుంచి పంగల్ రోడ్డులో అడ్డదిడ్డంగా మలుపులు

రోడ్డు నిర్మాణ పనులన్నాక ఇంజినీరింగ్  అధికారుల పర్యవేక్షణలో జరుగుతాయన్నది అందరికీ తెలిసిన విషయం. సంబంధిత శాఖ ఆమోదించిన ప్రణాళికనే.. గుత్తేదారు అమలు చేస్తుంటారు. అనంతపురంలోని బళ్లారి బైపాస్ నుంచి పంగల్ రోడ్డు వరకు చేపట్టిన విస్తరణ పనులు మాత్రం.. అధికార పార్టీ నాయకుల కనుసన్నల్లోనే సాగుతున్నాయి. అనుచరుల భవనాలు తొలగిపోకుండా.. దారిని అష్టవంకరలు తిప్పారు. అయినవారికి నష్టం జరగకుండా రోడ్డు వెడల్పు తగ్గించి.. దాన్ని సరిచేయడానికి అవతలివైపు వెడల్పు పెంచారు. ఈ పనుల్లో నిబంధనలు గాలికొదిలేసినట్లు స్పష్టమవుతోంది.