kalanjali_200
Comments
1
Recommend
0
Views
475
ఈసీజీ.. ఇక ఈజీ
బుల్లిపరికరాన్ని అభివృద్ధి చేసిన బెంగళూరువాసి
ఈనాడు, బెంగళూరు: ప్రస్తుతం గుండెకు సంబంధించి ఈసీజీ తీయాలంటే ప్రయోగశాలో.. లేదా ఆసుపత్రికో వెళ్లాల్సిందే. ఇకపై ఈ పరిస్థితి తప్పనుంది. ఎందుకంటే ఈసీజీ తీసే చిన్నపాటి పరికరం అందుబాటులోకి వచ్చేసింది. బెంగళూరుకి చెందిన అవిన్‌ అగర్వాల్‌ కార్డియోట్రాక్‌ పేరిట చిన్నపాటి ఈసీజీ పరికరాన్ని అభివృద్ధి చేశారు. బెంగళూరులో జరుగుతున్న అంతర్జాతీయ జీవ సాంకేతిక సదస్సులో ఆయన ఈ పరికరాన్ని ప్రదర్శిస్తున్నారు. ఈసీజీ తీయాల్సిన వ్యక్తికి హృదయం వద్ద వివిధ రకాల తీగల ద్వారా కార్డియోట్రాక్‌కు అనుసంధానం చేయాలి. బ్లూటూత్‌ సాంకేతికతో కార్డియో ట్రాక్‌ కంప్యూటర్‌కి అనుసంధానమై ఉంటుంది. కొలవటం ఆరంభించిన తర్వాత సంబంధిత హృదయ స్పందనలు కంప్యూటర్‌పై రేఖా చిత్రంగా నమోదవుతుంది. దాన్ని కాగితంపై ముద్రించవచ్చు. ఇది గ్రామీణ రోగులకు చాలా ఉపయుక్తమని అవిన్‌ అగర్వాల్‌ పేర్కొన్నారు. ప్రస్తుతం ఈసీజీ యంత్రం విలువ ప్రింటర్‌తో సహా రూ.లక్ష వరకూ ఉంటోంది. కార్డియో ట్రాక్‌ ధర రూ.40వేలు. విశ్వేశ్వరయ్య ఇంజినీరింగ్‌ విశ్వ విద్యాలయ పట్టభద్రుడైన అవిన్‌ అగర్వాల్‌ నెదార్లాండ్‌లోని ఒక సంస్థలో పని చేశారు. సొంతంగా ఏదైనా చేయాలనే తపనతో ఈ పరికరాన్ని ఆవిష్కరించారు. నూతన ఆవిష్కరణల శ్రేణిలో గేట్స్‌ ఫౌండేషన్‌ పురస్కారం కూడా ఈ పరికానికి లభించిందని అగర్వాల్‌ చెప్పారు.
Your Rating:
-
Overall Rating:
0
yedukondalu
09:13 AM
వేరి గుడ్ . కాంగ్రతులషన్స్