News In Pics: చిత్రం చెప్పే సంగతులు-2 (22-03-2023)
Updated : 22 Mar 2023 17:57 IST
1/24
హైదరాబాద్ లో రంజాన్ మాసం ప్రారంభం అవుతున్న సందర్భంగా హలీం తయారీకి సిద్ధం అయిన హలీం బట్టిలు
2/24
ఉగాది పర్వదినాన్ని పురస్కరించుకొని ఏలూరు జిల్లా దెందులూరులో బుధవారం తొమ్మిది మంది గ్రామ దేవతలకు ఊరేగింపు నిర్వహించారు. రామదండు ఆధ్వర్యంలో స్థానిక విష్ణు ఆలయంలో గ్రామ దేవతలకు నైవేద్యాన్ని తయారుచేసి ఆయా ఆలయాలకు పంపించి ఉత్సాహంగా ఊరేగింపు ప్రారంభించారు.
3/24
కృష్ణా జిల్లా కోడూరులో కొబ్బరి చెట్లపై పిడుగు పడి చెట్ల తల మొత్తం మోడు బారిపోయింది. అయినప్పటికీ చెట్ల మొదళ్లో అలుముకున్న తీగచెట్లు పచ్చగా ఉన్నాయి. ఆ కొబ్బరి చెట్లను వదలని బంధంలా అలుముకున్నాయి. ఈ దృశ్యం చూపరులను విశేషంగా ఆకట్టుకుంటోంది.
4/24
నాని హీరోగా శ్రీకాంత్ ఓదెల దర్శకత్వంలో తెరకెక్కిన చిత్రం ‘దసరా’. కీర్తి సురేశ్ కథానాయిక. ఈ సినిమా ప్రమోషన్స్లో భాగంగా ముంబయిలో ఉన్న నాని, కీర్తి, రానా ఉత్సహంగా ఉగాదిని సెలబ్రేట్ చేసుకున్నారు. ఈ చిత్రంలోని ‘ధూమ్ ధామ్’ వీడియో సాంగ్ను ఈరోజు సాయంత్రం 5.04 గంటలకు విడుదల చేయనున్నారు.
5/24
6/24
ఉగాది పర్వదినాన్ని పురస్కరించుకొని ఈరోజు రవీంద్రభారతిలో పంచాంగ శ్రవణం నిర్వహించారు. ఈ సందర్భంగా మంత్రులు తలసాని శ్రీనివాస్ యాదవ్, ఇంద్రకరణ్ రెడ్డి, శ్రీనివాస్ గౌడ్, మల్లారెడ్డి, నాయకులు హాజరయ్యారు. వేడుకలో భాగంగా కళాకారుల సాంస్కృతిక నృత్యాలు ఆకట్టుకున్నాయి.
7/24
ఉగాది వేడుకలో డోలు వాయిస్తున్న కళాకారులు
8/24
తాడేపల్లిలోని ముఖ్యమంత్రి క్యాంపు కార్యాలయంలో బుధవారం ఘనంగా ఉగాది వేడుకలు నిర్వహించారు. ఈ సందర్భంగా సీఎం జగన్ దంపతులు, రోజా హాజరయ్యారు. పంచాంగ శ్రవణం అనంతరం సీఎం దంపతులు అందరికీ ఉగాది శుభాకాంక్షలు తెలిపారు.
9/24
సీఎం జగన్కు బొట్టు పెడుతున్న వైఎస్ భారతి
10/24
హైదరాబాద్ గాంధీభవన్లో ఉగాది వేడుల సందర్భంగా పంచాంగ శ్రవణం నిర్వహించారు. సిద్ధాంతి శ్రీనివాస్ శర్మ పంచాంగ శ్రవణం చేసిన అనంతరం టీపీసీసీ అధ్యక్షుడు రేవంత్రెడ్డి తీర్థప్రసాదాలు స్వీకరించారు.
11/24
తిరుమల శ్రీవారి ఆలయంలో బుధవారం వైభవంగా ఉగాది ఆస్థానం ఏర్పాటు చేశారు. ఈ సందర్భంగా ఆలయంలోని పూలతోరణాలు, వివిధ కళాకృతులు చూపరులను విశేషంగా ఆకట్టుకుంటున్నాయి.
12/24
అందంగా ఏర్పాటు చేసిన కళాకృతి.
13/24
నాంపల్లిలోని భాజపా కార్యాలయంలో ఉగాది వేడుకలు ఘనంగా నిర్వహించారు. కేంద్రమంత్రి కిషన్రెడ్డి, బండి సంజయ్, నాయకులు ఆసక్తిగా శుభకృత్ నామ సంవత్సర పంచాంగ శ్రవణం చేశారు. అనంతరం తీర్థప్రసాదాలు స్వీకరించారు.
14/24
రవితేజ హీరోగా సుధీర్వర్మ దర్శకత్వంలో తెరకెక్కుతున్న చిత్రం ‘రావణాసుర’. ఈ సినిమాకు సంబంధించిన ‘డిక్క డిష్యూం’ అనే మాస్ సాంగ్ను ఉగాది కానుకగా ఈరోజు సాయంత్రం 4.05 గంటలకు విడుదల చేయనున్నట్లు చిత్రబృందం తెలిపింది.
15/24
అంబర్పేటలో మాజీ ఎంపీ వి. హనుమంతరావు ఆధ్వర్యంలో అండర్-19 క్రికెట్ పోటీలు ఏర్పాటు చేశారు. ఈ సందర్భంగా టీపీసీసీ ఛైర్మన్ రేవంత్ రెడ్డి ఈ పోటీలను ప్రారంభించారు. అనంతరం ఆయన బ్యాట్ పట్టి క్రికెట్ ఆడారు.
16/24
మంగళగిరి తెదేపా జాతీయ పార్టీ కార్యాలయంలో శోభకృత్ నామ సంవత్సర ఉగాది పంచాంగ శ్రవణం నిర్వహించారు. కార్యక్రమంలో నారా చంద్రబాబు నాయుడు, ఎమ్మెల్యేలు, ఎమ్మెల్సీలు హాజరయ్యారు.
17/24
మెగాస్టార్ చిరంజీవి ట్విటర్ వేదికగా ఉగాది శుభాకాంక్షలు తెలిపారు. ఆయన తన కుటుంబసభ్యులతో కలిసి పూజ చేస్తున్న ఓ ఫొటోను సోషల్మీడియాలో పంచుకున్నారు. ‘అందరికీ శోభకృత్ నామ ఉగాది శుభాకాంక్షలు’ అని ట్వీట్ చేశారు.
18/24
కాకినాడ జిల్లాలోని తాళ్లరేవు మండలం పి.మల్లవరంలో తెలుగు సంవత్సరాది ఉగాదిని పురస్కరించుకొని సత్తెమ్మతల్లి ఆలయంలో భక్తులు ప్రత్యేక పూజలు నిర్వహించారు. అమ్మవారికి మొక్కులు చెల్లించుకున్నారు.
19/24
కల్యాణ్రామ్ హీరోగా కొత్త దర్శకుడు నవీన్ మేడారం తెరకెక్కిస్తున్న చిత్రం ‘డెవిల్’. పాన్ ఇండియా స్థాయిలో రూపొందుతున్న ఈ సినిమాకు సంబంధించిన ఓ ఫొటోను చిత్రబృందం షేర్ చేస్తూ.. ఉగాది శుభాకాంక్షలు తెలిపింది. ఇప్పటికే విడుదలైన ఈ సినిమా ఫస్ట్లుక్ అభిమానుల్లో ఆసక్తిని పెంచుతోంది.
20/24
తూర్పుగోదావరి జిల్లా తాళ్లపూడిలో నవదుర్గాదేవి అమ్మవారి ఆలయంలో ఉగాదిని పురస్కరించుకుని అమ్మవారికి తొమ్మిది నదుల నీటితో అభిషేకం నిర్వహించారు. పూజారి 108 బిందెల పాలతో అభిషేకం చేశారు. ఈ వేడుకలో భక్తులు అధిక సంఖ్యలో పాల్గొన్నారు.
21/24
సందీప్ కిషన్ హీరోగా వి.ఆనంద్ దర్శకత్వంలో తెరకెక్కుతున్న చిత్రం ‘ఊరు పేరు భైరవకోన’. ఉగాది సందర్భంగా ఈ సినిమాకు సంబంధించిన ఓ ఫొటోను ట్వీట్ చేస్తూ.. చిత్రబృందం పండగ శుభాకాంక్షలు తెలిపింది.
22/24
నందమూరి బాలకృష్ణ ప్రధాన పాత్రలో అనిల్ రావిపూడి దర్శకత్వంలో ఓ చిత్రం(ఎన్బీకే108) రానుంది. ఉగాది సందర్భంగా ఈ సినిమాకు సంబంధించిన ఫస్ట్లుక్ను చిత్రబృందం విడుదల చేసింది. ‘ఈ ఉగాదిని గొప్పగా సెలబ్రేట్ చేసుకోండి’ అని చిత్రబృందం ట్వీట్ చేసింది.
23/24
నాని హీరోగా శ్రీకాంత్ ఓదెల దర్శకత్వంలో తెరకెక్కిన చిత్రం ‘దసరా’. కీర్తి సురేశ్ కథానాయిక. నాని, కీర్తి జోడి ధరణి, వెన్నెల పాత్రలు పోషిస్తున్నారు. ఉగాది శుభాకాంక్షలు తెలుపుతూ.. చిత్రబృందం ఓ ఫొటోను షేర్ చేసింది. మార్చి 30న ఈ సినిమా ప్రేక్షకుల ముందుకు రానుంది.
24/24
నాగశౌర్య హీరోగా పవన్ బాసంసెట్టి దర్శకత్వంలో తెరకెక్కనున్న చిత్రానికి టైటిల్ ఖరారైంది. ఈ సినిమాకి ‘రంగబలి’ అని టైటిల్ పెట్టినట్లు చిత్రబృందం తెలిపింది. నాగశౌర్యకు ఇది 23వ సినిమా కావడం విశేషం.
మరిన్ని
తాజా వార్తలు (Latest News)
-
ఈ చిట్టితల్లికి కష్టమొచ్చింది!
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?