Breaking | Feedback | ePratibha | E-PAPER | Pratibha

Vizianagaram: రెండు రైళ్లు ఢీ.. విజయనగరం జిల్లాలో రైలు ప్రమాదం

విజయనగరం: విజయనగరం జిల్లాలో ఆదివారం రాత్రి ఘోర రైలు ప్రమాదం జరిగింది. రెండు రైళ్లు ఢీకొన్న ఘటనలో 14 మంది మృతి చెందగా, 100 మందికి పైగా గాయపడ్డట్లు అధికారులు తెలిపారు.. క్షతగాత్రులను అంబులెన్స్‌లలో విజయనగరం, విశాఖపట్నం ఆసుపత్రులకు తరలించారు. రైల్వే అధికారుల, ప్రయాణికులు తెలిపిన వివరాల ప్రకారం.. రాత్రి 7.10 గంటల సమయంలో విశాఖ నుంచి పలాస వెళ్తున్న ప్రత్యేక ప్యాసింజర్‌ రైలు కొత్తవలస మండలం అలమండ-కంటకాపల్లి వద్ద సిగ్నల్‌ కోసం పట్టాలపై ఆగి ఉంది. అదే సమయంలో దాని వెనకాలే వస్తున్న విశాఖ-రాయగడ రైలు.. ప్యాసింజర్‌ రైలును ఢీ కొట్టింది. ప్రమాదంపై రైల్వే బోర్డు గ్రూపులో డీఆర్‌ఎం సౌరబ్ ప్రసాద్‌ సమాచారం ఇచ్చారు. ఎన్డీఆర్‌ఎఫ్, రెవెన్యూ, పోలీసు సిబ్బంది ఘటనా స్థలికి చేరుకుని సహాయక చర్యలు చేపట్టారు.

Updated : 29 Oct 2023 20:31 IST