నిజమైన భక్తి

చాలామంది చాటున పాపాలు చేస్తూ.. అందరి ముందూ మంచివారిలా, భక్తుల్లా నటిస్తుంటారు. ఇలాంటివారి గురించి దేవుడు ‘మీలో చాలామంది పెదాలతో నన్ను స్మరిస్తారు. హృదయం మాత్రం నాకు దూరంగా ఉంది’ అన్నాడు. మరి ఏది నిజమైన భక్తి, దేవుడు మన నుంచి కోరుకునే దేమిటి అంటే.. ఏసు సహోదరుడు, ఆయన శిష్యుడు అయిన యాకోబు రాసిన గ్రంథంలో ‘లోకంలో పాపాలు, కళంకాలు అంటకుండా ఎవరికి వారు కాపాడుకోవాలి. తండ్రియైన దేవుడికి మనం నివేదించే పవిత్రమైన నిష్కళంకమైన భక్తి ఏమిటంటే.. పేదలు, పిల్లలు, స్త్రీలు నిస్సహాయ స్థితిలో ఉంటే వారిని పరామర్శించాలి. సాయం చేయాలి. అలా మానవత్వం ప్రదర్శిస్తూ దేవుడికి నచ్చే రీతిలో జీవించాలి’ అంటూ సమాధానం ఉంది.

జి.ప్రశాంత్‌