మంచి వైపు పయనం

ధర్మ సందేహం
మంచి వైపు పయనం

ఆధ్యాత్మిక విషయాలు ప్రస్తావిస్తున్నప్పుడు, మంచి పనులు మొదలుపెడుతున్నప్పుడు ఓంకారంతో పాటు స్వస్తిక్‌ చిహ్నాన్ని కూడా రాస్తారు. స్వస్తిక్‌ అంటే ఏమిటి? దాని ప్రాధాన్యం తెలియజేయండి?

స్వస్తిక్‌ మన సంప్రదాయంలో శుభానికి సంకేతం. ఈ చిహ్నంలో కొన్ని విశిష్టతలు ఉన్నాయి. స్వస్తి కలిగించేది స్వస్తిక్‌. అంటే శుభాలను ప్రసాదించేదన్నమాట. తూర్పు నుంచి బయల్దేరి.. సవ్యదిశగా చేసే ప్రయాణంలో గమ్యం ఉత్తరం అవుతుంది. ఉత్‌ తరం.. ఉత్తరం అంటే ఉన్నదానికంటే శ్రేష్ఠమైనది, మేలైనది అని అర్థం. స్వస్తిక్‌ శ్రేయోదాయకమైన గమనాన్ని సూచిస్తుంది. మరికొందరి దృష్టిలో స్వస్తిక్‌ గుర్తు సూర్యుడికి సంకేతంగా భావిస్తారు. సూర్యుడు అంటే వెలుగు, విద్య, జ్ఞానం మొదలైన వాటికి ప్రతీక. అందువల్ల స్వస్తిక్‌ శుభసూచకమని మన పెద్దల అభిప్రాయం. మనకు పూర్ణకుంభం, ఓంకారం ఎలాంటివో స్వస్తిక్‌ గుర్తు కూడా శుభానికీ, జ్ఞానానికీ చిహ్నంగా చెప్పుకోవచ్చు.