ఒకేసారి రెండు డిగ్రీలు?

బీటెక్‌ చేశాను. బీఎస్సీ (ఎంపీసీ) దూరవిద్య ద్వారా చదువుతున్నాను. ఇది వచ్చే ఏడాది పూర్తవుతుంది. ఇప్పుడు ఎంఎస్సీ (మ్యాథ్స్‌) దూర విద్యలో చేయాలనుకుంటున్నాను. యూజీసీ మార్గదర్శకాల ప్రకారం.. ఒకే సమయంలో రెండు డిగ్రీలు చదవొచ్చు కదా?

- కె. శ్రీరామ్‌

ఇటీవల జారీ అయిన యూజీసీ మార్గదర్శకాల ప్రకారం రెండు డిగ్రీలు ఒకేసారి చదివే అవకాశం ఉంది. కానీ ఎమ్మెస్సీ మ్యాథ్స్‌ చదవాలంటే బీఎస్సీ (మ్యాథమెటిక్స్‌) డిగ్రీలో ఉత్తీర్ణత సాధించాలి. మీరు ఇంకా బీఎస్సీ పూర్తి చేయలేదు కాబట్టి  ఎమ్మెస్సీ మ్యాథ్స్‌ చదవడానికి అవకాశం లేదు. కాకపోతే, కొన్ని విశ్వవిద్యాలయాలు బీటెక్‌ చదివినవారికి కూడా దూరవిద్య ద్వారా ఎమ్మెస్సీ మ్యాథ్స్‌ చదవడానికి అవకాశం కల్పిస్తున్నాయి. అలాంటి విశ్వవిద్యాలయాల్లో మీరు ప్రస్తుతం చదువుతున్న బీఎస్సీని కొనసాగిస్తూనే, ఎమ్మెస్సీ మ్యాథ్స్‌ కూడా చదివే అవకాశం ఉంది.