గుండెకు మద్యం చేటు!
గుండెలయ తప్పటంతో (ఏట్రియల్ ఫిబ్రిలేషన్) బాధపడుతున్నారా? మద్యం తాగే అలవాటూ ఉందా? అయితే వెంటనే మానెయ్యండి. గుండెలయ....
గుండెలయ తప్పటంతో (ఏట్రియల్ ఫిబ్రిలేషన్) బాధపడుతున్నారా? మద్యం తాగే అలవాటూ ఉందా? అయితే వెంటనే మానెయ్యండి. గుండెలయ తప్పటంతో బాధపడేవారు మద్యాన్ని మానేస్తే లక్షణాలు తగ్గుముఖం పడుతున్నట్టు పరిశోధకులు గుర్తించారు మరి. మద్యం మానేసినవారికి గుండెలయ తప్పటమనేది ఆలస్యమవటమే కాదు, ఒకవేళ వచ్చినా తక్కువసేపే ఉంటున్నట్టు తేలింది. మన గుండె రక్తాన్ని పంప్ చేసేటప్పుడు గట్టిగా బిగుసుకుంటుంది. కానీ గుండెలయ తప్పేవారిలో గుండె పై గదులు వణికిపోతుంటాయి. దీంతో రక్తం సరిగా పంప్ కాదు. కొంత రక్తం గుండెలోనే ఉండిపోతుంటుంది. ఇది రక్తం గడ్డలు ఏర్పడటానికి దారితీస్తుంది. ఇవి రక్తంలో కలిసిపోయి అక్కడ్నుంచి ఇతర భాగాలకు వ్యాపించొచ్చు. మెదడులోకి రక్తం గడ్డలు చేరుకుంటే పక్షవాతం తలెత్తొచ్చు. అందువల్ల గుండెలయ తప్పటాన్ని తేలికగా తీసుకోవటానికి లేదు. మద్యానికి దూరంగా ఉంటే దీని దుష్ప్రభావాలను కొంతవరకైనా తప్పించుకోవచ్చు. నిజానికి మద్యం అలవాటు ఏట్రియల్ ఫిబ్రిలేషన్ ముప్పునూ పెంచుతుంది. మద్యం మూలంగా గుండె కండరంలో మచ్చ పడటం (స్కారింగ్) వంటి మార్పులు మొదలవుతాయి. దీంతో గుండెలోని విద్యుత్ వ్యవస్థ అస్తవ్యస్తమై లయ తప్పిపోయే అవకాశముంది. గుండెలయ తప్పటానికి దోహదం చేసే ఊబకాయం, నిద్రలో శ్వాస ఆగటం, అధిక రక్తపోటు వంటి సమస్యలకూ మద్యానికీ సంబంధం ఉండటం గమనార్హం.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
-
పది కిలోల బంగారం స్వాధీనం
-
భారత్ ఎన్నికల వేళ పాకిస్థాన్ అక్కసు.. ప్రసంగాల్లో వాళ్లపేరు లాగొద్దట!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
ఈనాడు.నెట్లో టాప్ 10 వార్తలు @ 9PM
-
మహేశ్ బాబు, మమ్ముట్టి, షారుక్లతో సినిమా.. నెల్సన్ ప్లాన్ ఇదే..