చలి కరోనా.. జాగ్రత్త!
అసలే కరోనా కాలం. ఆపై చలికాలం. ఇదే ఇప్పుడు గుబులు పుట్టిస్తోంది. మామూలుగానే చలికాలంలో శ్వాసకోశ జబ్బులకు కారణమయ్యే వైరస్లు విజృంభిస్తుంటాయి. కొవిడ్-19 కారక సార్స్ కోవ్2 కూడా శ్వాసకోశ వైరసే. అందుకే మరింత జాగ్రత్త అవసరం.
అసలే కరోనా కాలం. ఆపై చలికాలం. ఇదే ఇప్పుడు గుబులు పుట్టిస్తోంది. మామూలుగానే చలికాలంలో శ్వాసకోశ జబ్బులకు కారణమయ్యే వైరస్లు విజృంభిస్తుంటాయి. కొవిడ్-19 కారక సార్స్ కోవ్2 కూడా శ్వాసకోశ వైరసే. అందుకే మరింత జాగ్రత్త అవసరం.
చలికాలంలో ఉష్ణోగ్రత తగ్గుతుంది. దీంతో వైరస్లు ఎక్కువసేపు జీవించి ఉంటాయి. పైగా చలికాలంలో ఎక్కువసేపు ఇంట్లోనే ఉండిపోతుంటాం. దీంతో ఒకరి నుంచి మరొకరికి వైరస్లు అంటుకునే అవకాశం ఎక్కువవుతుంది. చల్లటి, పొడి గాలితో రోగనిరోధకశక్తీ తగ్గుముఖం పడుతుంది. మరోవైపు- చలికాలంలో మంచు కురుస్తుంది. ఇలాంటి వాతావరణంలో దగ్గినప్పుడు, తుమ్మినప్పుడు వెలువడే తుంపర్లు దూరాలకు విస్తరించకుండా అక్కడే ఎక్కువసేపు ఉండిపోతుంటాయి. చలికాలంలో కాలుష్యం కూడా ఎక్కువే. చలికి శ్వాస మార్గాలు సంకోచిస్తాయి. దీంతో గాలి లోపలికి వెళ్లటం తగ్గుతుంది. ఇది ఆయాసానికి దారితీస్తుంది. కరోనా విజృంభిస్తున్న ప్రస్తుత తరుణంలో ఇలాంటివన్నీ మరింత కలవరం కలిగిస్తున్నాయి. నిజానికి ఒకప్పటితో పోలిస్తే కరోనా వైరస్ తీవ్రత ఇప్పుడు తగ్గింది. చలికాలంలో కేసుల సంఖ్య పెరిగినా అంత ఉద్ధృతంగా ఉండకపోవచ్చు. అయినా కూడా ఎవరి జాగ్రత్తలో వారుండటం మంచిది. నిర్లక్ష్యం అసలే పనికిరాదు. ఇప్పటికే ఆస్థమా, సీవోపీడీతో బాధపడుతున్నవారు ఇంకాస్త జాగ్రత్తగా ఉండాలి. అలాగే మధుమేహులు, ఊబకాయులు, గర్భిణులు, క్యాన్సర్ బాధితులు, గుండెజబ్బులు గలవారు, కిడ్నీ వైఫల్యం బాధితులు, అవయవ మార్పిడి చేయించుకున్నవారు కూడా అప్రమత్తంగా ఉండాలి. వీరికి కరోనా సోకే ముప్పు ఎక్కువ. తీవ్రత కూడా ఎక్కువే. అందువల్ల ఆయా జబ్బులను కచ్చితంగా నియంత్రణలో ఉంచుకోవాలి. ఆస్థమా, సీవోపీడీ బాధితులు క్రమం తప్పకుండా ఇన్హేలర్లు వాడుకోవాలి. మందులు పూర్తిగా అయిపోకముందే కొని తెచ్చికోవాలి. జనం ఎక్కువగా గుమిగూడి ఉండే ప్రదేశాలకు వెళ్లకపోవటమే మంచిది. తప్పనిసరై ప్రయాణాలు చేయాల్సి వస్తే వెంట మందులు విధిగా తీసుకెళ్లాలి. జబ్బులతో బాధపడేవారే కాదు.. 50 ఏళ్లు పైబడ్డవారంతా డాక్టర్ సలహా మేరకు ఫ్లూ టీకా తీసుకోవాలి. 60 ఏళ్లు పైబడినవారు, రోగనిరోధకశక్తి తక్కువగా ఉన్నవారు ఇంటికే పరిమితం కావటం ఉత్తమం. న్యుమోనియా టీకా తీసుకోకపోతే వెంటనే తీసుకోవాలి.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్