రెప్ప కురుపు తగ్గేలా..

కంట్లో చిన్న నలక పడితేనే తెగ బాధపడతాం. ఇక రెప్ప కురుపు ఏర్పడితే? కన్ను తెరవటమే కష్టం. లోపలేదో ముల్లు గుచ్చుకున్నట్టు నొప్పి, మంట పుడతాయి. కళ్లు ఎరుపెక్కుతాయి. నీరూ కారుతుంది. రెప్ప కురుపు తలెత్తటానికి మూలం కళ్ల చివర తైలగ్రంథి ఇన్‌ఫెక్షన్‌. దీన్నుంచి ఉపశమనం పొందటానికి కొన్ని చిట్కాలు ఉపయోగపడతాయి.
* లవంగాన్ని నీటితో అరగదీసి కళ్ల మీద రాస్తే తక్షణం బాధ తగ్గుతుంది. ఖర్జూరం విత్తనాన్ని నీటితో అరగదీసి, రాసినా మంచి ఫలితం కనిపిస్తుంది.
* కళ్లను సవ్య, అవసవ్య దిశలో గుండ్రంగా.. కుడి, ఎడమ పక్కలకు.. పైకీ, కిందికీ కదిలించటంతోనూ ఫలితం కనిపిస్తుంది. మెడ, భుజాలను గుండ్రంగా తిప్పటమూ మేలు చేస్తుంది.
* అరచేతులను కళ్ల మీద ఆనించి, కాసేపు అలాగే ఉంచినా ప్రయోజనం కనిపిస్తుంది. ఇది కంటి మీద ఒత్తిడిని తగ్గిస్తుంది. కళ్లకు, చుట్టుపక్కల కణజాలానికి హాయిని కలిగిస్తుంది. అయితే చేతులతో కళ్లను గట్టిగా అదమకూడదు.