నవ్వుల్‌.. నవ్వుల్‌...!

తప్పదు మరి!

పింకి: బంటీ.. ఈసారి టైంకే స్కూళ్లు తెరుస్తారంటావా?
బంటి: ఏ.. నీకెందుకు ఆ అనుమానం వచ్చింది.
పింకి: మంకీపాక్స్‌ అని మళ్లీ ఏదో వైరస్‌ వచ్చిందటగా..
బంటి: అవును పింకీ.. కానీ మనం దాన్ని నమ్ముకోలేం..
పింకి: ఏ.. ఎందుకు?
బంటి: దానికి కరోనాకు ఉన్నంత స్పీడ్‌ లేదు.
పింకి: అంటే స్కూల్‌కు వెళ్లాల్సిందేనా...
బంటి: ఊ.. తప్పదు మరి!

అదే కదా!

అమ్మ : రిక్కీ.. ఇప్పుడే మార్కెట్లో మీ టీచర్‌ కలిశారు రా..
రిక్కి : ఏమన్నారమ్మా?
అమ్మ : పరీక్షలో నీ ముందు కూర్చున్న విక్కీ రాసిన సమాధానాలూ, నీవీ అక్షరం తేడా లేకుండా ఒకేలా ఉన్నాయట!!
రిక్కి : ఇది టూమచ్‌ అమ్మా.. ఇద్దరికీ ఒకటే క్వశ్చన్‌ పేపర్‌ కదా!!

మా నాన్నను చూసి...

టీచర్‌: చింటూ.. నువ్వు పెద్దయ్యాక ఏమవుతావు?
చింటు: సన్యాసిగా మారిపోతా టీచర్‌.
టీచర్‌: అవునా.. ఎందుకు?
చింటు: అటు ఆఫీసులో, ఇటు ఇంట్లో మా నాన్నగారి కష్టాలు చూశాక.. నాకు అదే బెటర్‌ అనిపిస్తోంది టీచర్‌.
టీచర్‌: ఆఁ!!