మీ పోపుల పెట్టెలో..ఇవి ఉన్నాయా?

వర్షాకాలం కదా! చీటికీ మాటికీ జలుబు, తలనొప్పి వంటివి వేధించడం సహజం. అలాంటప్పుడు ఉపశమనం కోసం మీ పోపుల పెట్టెలో ముఖ్యమైన ఈ ఐదు సుగంధ దినుసులు ఉన్నాయో లేవో చూసుకోండి. తక్కిన దేశాలతో పోలిస్తే కొవిడ్‌ ప్రభావం మనపై తక్కువగా ఉండటానికి సుగంధ ద్రవ్యాల వాడకమే కారణమని తాజా అధ్యయనాలు కూడా తేల్చాయి మరి...

మిరియాలు: కిచిడీ, చారు, కూరల్లో కారానికి బదులుగా మిరియాలని వాడి చూడండి. దగ్గు, జలుబు, ముక్కు దిబ్బడవేయడం వంటి సమస్యలు దరిచేరవు. 

అల్లం: ఈకాలంలో వైరస్‌ కారణంగా తలెత్తే అనేక సమస్యలకు అల్లం చెక్‌ పెడుతుంది. చలి జ్వరం, వికారం వంటి వాటి నుంచి ఉపశమనం కలిగిస్తుంది. 

నిమ్మగడ్డి: దీన్నే ఫీవర్‌ గ్రాస్‌ అని కూడా పిలుస్తారు. కారణం... ఈకాలంలో వచ్చే జ్వరాలని నిమ్మగడ్డి సమర్థంగా నియంత్రిస్తుంది. దీంతో చేసిన టీని తాగడం వల్ల జలుబు నుంచి ఉపశమనం కలుగుతుంది. అజీర్తి సమస్యల నుంచి ఉపశమనం కలిగిస్తుంది. 

పసుపు: శరీరం లోపల అంతర్గత వాపులు రానీయకుండా చేస్తుంది. ఈ కాలంలో తరచూ వేధించే మలేరియా, గ్యాస్ట్రిక్‌ సమస్యల నుంచి ఉపశమనం కలిగిస్తుంది. పసుపు కలిపిన పాలు అనేక అనారోగ్య చిక్కులకు ఔషధంలా పనిచేస్తాయి. 

వెల్లుల్లి: ఈ సమయంలో వ్యాధినిరోధకశక్తిని పెంచి మనల్ని జబ్బుల బారిన పడకుండా చేసే సూపర్‌ఫుడ్‌ ఏదైనా ఉందంటే అది వెల్లుల్లే. పచ్చళ్లు, సూపులు, కూరల్లో వెల్లుల్లిని చేర్చుకుంటే మంచిది. దీనిలో యాంటీ ఫంగల్‌ గుణాలు అధికంగా ఉంటాయి.